एघार महिनामा प्राथमिक बजारमा थप ४२ अर्ब पूँजी परिचालन

Jul 10, 2018 Merolagani

धितोपत्रको प्राथमिक बजारमा चालु आर्थिक बर्षको एघार महिनामा अर्थात जेठसम्म ४२ अर्ब रुपैयाँ बराबरको पूँजी परिचालन भएको छ । यसअवधिमा ७३ संगठित संस्थाका मार्फत उक्त रकम परिचालन भएको हो । जुन गत वर्षको सोही अवधिको तुलनामा २४ प्रतिशतले कम हो ।

गत वर्षको यस अवधिमा प्राथमिक वजार मार्फत ५५ अर्ब ४५ करोड रुपैयाँ बराबरको पूँजी परिचालन भएको थियो । सो अवधिमा अवधिमा ९२ संगठित संस्थाका मार्फत उक्त रकम परिचालन भएको थियो ।

यस वर्ष हकप्रद शेयर तथा थप निष्काशनमा कमी आएका कारण समग्र प्राथमिक बजार मार्फत हुने पूँजी परिचालनमा कमी आएको धितोपत्र बोर्डले जनाएको छ ।

 

गत वर्ष बैंक तथा वित्तीय संस्थाहरुको चुक्ता पूँजी वृद्धि गर्नुपर्ने व्यवस्थाका कारण अधिक मात्रामा हकप्रद तथा एफपिओ निष्काशन भएकोले पूँजी परिचालन अधिक देखिएको बोर्डको भनाई छ ।

तीन वर्ष देखि शुन्य रहेको ऋणपत्र निष्काशन यस अवधिमा भने ३ अर्ब रुपैयाँ निष्काशन गरेको छ । यस्तै यस अवधिमा साधारण शेयर निष्काशन भने तीन गुणाले वृद्धि भएको छ ।

कुल पूँजी परिचालनमा सबै भन्दा बढी हिस्सा ५२.३८ प्रतिशत अर्थात २२ अर्ब रुपैयाँको हकप्रद निष्काशन भएको छ भने सबै भन्दा कम हिस्सा ७.१४ प्रतिशत अर्थात ३ अर्ब रुपैयाँको ऋणपत्र निष्काशन भएको हो ।

comments powered by Disqus

BREAKING : रसुवागढी र सान्जेन जलविद्युतको आइपिओ भर्ने अवधि थपियो, कहिलेसम्म गर्न पाइन्छ आवेदन ?

Apr 23, 2019

रसुवागढी र सान्जेन जलविद्युत आयोजनाको साधारण शेयरमा आवेदन गर्ने समय थप गर्न धितोपत्र बोर्डले शेयर निष्काशन तथा बिक्री प्रबन्धकहकरुलाई निर्देशन दिएको छ । बोर्डमा लगानीकर्ताहरुले सिडिएससीको मेरो शेयरबाट शेयर आवेदन गर्न नसकेको भनी गरेको गुनासोका आधारमा धितोपत्र बोर्डले यस्तो निर्देशन दिएको हो ।