मर्जर तथा प्राप्तीमा जानका लागि साधारण सभा मार्फत बैंकको सम्पत्ति तथा दायित्व मूल्याङ्कन (डिडिए) गर्न मूल्याङ्कनकर्ता नियुक्ति गर्ने प्रस्ताव रहेकाे छ ।
त्यसैगरि मर्जर तथा प्राप्तीका लागि गर्नुपर्ने आवश्यक सम्पूर्ण पकृया पूरा गर्न सञ्चालक समिति वा समितिले तोकेको व्यक्तिलाई अधिकार प्रत्यायोजन गर्ने विशेष प्रस्ताव गरेको छ ।
यसअघि पाेखराकाे अाेम डेभलपमेन्ट बैंक प्राइम कर्मसियल बैंकसँग तथा नुवाकाेटकाे हाम्राे विकास बैंक ज्याेति विकास बैंकसँग एक्वीजिशन हुने सम्झाैता गरेका छन् ।
भार्गवले अघिल्लो आर्थिक बर्ष २०७३/७४ को नाफाबाट सेयरधनीलाई चुक्ता पूँजीको ५.५५ प्रतिशत बोनस सेयर वितरण गर्ने प्रस्ताव गरेर असोज २७ गते किचन हन्ट कारकाँदो नेपालगञ्जमा बिहान ११ बजे १० आैं बार्षिक साधारण सभा आह्वान गरेको छ।
बोनस वितरण र साधारण सभा प्रयोजनका लागि बैंकले असोज १९ गते बुक क्लोज गर्ने जनाएको छ । यसअनुसार असोज १८ गतेसम्म कायम रहने सेयरधनीले मात्र उक्त बोनस पाउनेछन् । बैंकको साधारण सभाले दुई करोड ६४ लाख रुपैयाँ बोनस र कर तिर्न १३ लाख ८९ हजार ४७३ रुपैयाँ वितरण गर्ने प्रस्ताव पारित गर्नेछ ।
भार्गवले यसअघि निष्काशन गरेको ८० प्रतिशत हकप्रदपछि कायम चुक्ता पुँजी ४७ करोड ५२ लाख रुपैयाँबाट बोनस र नगद लाभांश वितरण गरेको हो । बोनसपछि बैंकको चुक्ता पूँजी ५० करोड १६ लाख नाघ्नेछ । गत अाथिक बर्षकाे नाफा भने बैंकले प्रस्ताव गर्न बाँकी छ ।
