पुनर्बीमा कम्पनीले निर्जीवन व्यवसायबाट दुई अर्ब ५३ करोड ४४ लाख ५४ हजार र जीवन बीमा व्यवसायबाट ३४ करोड ५६ लाख ७२ हजार बीमा शुल्क आर्जन गरेको हो । खुद बीमाशुल्कको ८८ प्रतिशत निर्जीवन बीमा र १२ प्रतिशत रकम मात्र जीवन व्यवसायबाट आर्जन गरेको देखिन्छ ।
यस अवधिमा कम्पनीको खुद नाफामा वृद्धि भएको छ । कम्पनीले जीवन बीमा व्यवसायबाट ११८.०५ प्रतिशत तथा निर्जीवन बीमाको व्यवसायबाट ५७.७१ प्रतिशतले खुद नाफा बढाएको छ ।
गत आवमा कम्पनीले ९६ करोड ६४ लाख १० हजार रुपैयाँ खुद नाफा आर्जन गरेको छ । यसमध्ये ७८ करोड ६६ लाख ४२ हजार निर्जीवन बीमा व्यवसायबाट र १७ करोड ९७ लाख ६८ हजार जीवन बीमाको व्यवसायबाट खुद नाफा आर्जन गरेको हो । खुद नाफामा निर्जीवन बीमा व्यवसायकाे हिस्सा ८१.३९८ प्रतिशत र जीवन बीमाको व्यवसायकाे हिस्सा १८.६०२ प्रतिशतकाे याेगदान रहेकाे छ।
कम्पनीले गत बर्षमा गरेको खुद नाफा अघिल्लो बर्षको तुलनामा ६६.२६ प्रतिशत अर्थात ३८ करोड ५१ लाख ६७ हजारले बढी हो । अघिल्लो बर्ष कम्पनीले निर्जीवन र जीवन बीमा दुबैबाट गरि कूल ५८ करोड १२ लाख ४३ हजार रुपैयाँ खुद नाफा आर्जन गरेको थियो ।
सात अर्ब १७ करोड ७५ लाख रुपैयाँ चुक्ता पूँजी रहेको कम्पनीको निर्जीवन व्यवसायमा एक अर्ब ८९ करोड ५१ लाख ५० हजार रुपैयाँ र जीवन व्यवसायबाट २८ करोड २७ लाख ८७ हजार गरि कूल दुई अर्ब १७ करोड ७९ लाख ३७ हजार रुपैयाँ बराबरको रकम जगेडा कोषमा पुगेको छ । अघिल्लो बर्ष एक अर्ब १७ करोड ७२ लाख ८६ हजारको जगेडा कोष थियो ।
यस्तै कम्पनीको निर्जीवन व्यवसाय बीमा कोषमा ६८ करोड ३८ लाख ५१ हजार रुपैयाँ राखेको छ । जीवन व्यवसाय बीमा कोष भने कम्पनीले उल्लेख गरेको छैन ।
त्यस्तै पुनर्बीमा कम्पनीले पुनर्बीमा कमिशन शुल्क वापत निर्जीवन बीमा व्यवसायबाट २१ करोड ८० लाख ८९ हजार रुपैयाँ संकलन गरेको छ । कम्पनीले विदेशी दलाल कम्पनीलाई निर्जीवन बीमा व्यवसाय वापत ९६ करोड ४१ लाख १८ हजार र जीवन बीमा व्यवसायको पुनर्बीमा कमिसन वापत एक करोड ९१ लाख ७० हजार गरि कूल ९८ करोड ३२ लाख ८८ हजार रुपैयाँ विदेशी दलाल कम्पनीलाई भुक्तानी गरेको छ ।
यसै अवधिमा कम्पनीले ९६ करोड ३१ लाख एक हजार रुपैयाँ खुद दाबी भुक्तानी गरेको छ । कम्पनीले निर्जीवन व्यवसायका लागि ८७ करोड ५७ लाख ८३ हजार रुपैयाँ तथा जीवन व्यवसायका लागि ८ करोड ७३ लाख १८ हजार रुपैयाँ दाबी भुक्तानी गरेको छ ।
पुनर्बीमा कम्पनीले निर्जीवन बीमा वापत ९८ करोड १३ लाख ६९ हजार भुक्तानी गर्न बाँकी रहेको छ भने जीवन बीमाको कुनै भुक्तानी बाँकी छैन ।