शेयर बजारका लगानीकर्तालाई दशैं लाग्न थालेपछि दिनभरी ऋणात्मक रहेको शेयर परिसूचक अन्तिम केही सेकेण्डमा आएर हरियो बनेको छ । पछिल्ला दिनमा शेयर बजारमा कारोबार रकम घट्दै जान थालेको छ । यस साताको सुरुदेखि नै कारोबार रकम घट्दो क्रमममा रहेको छ ।

साताकाे पहिलाे दिन अाइतबार ४० कराेडकाे काराेबार भएकाे बजारमा साेमबार ३७ कराेड मात्र काराेबार भएकाे थियाे । मंगलबार ३४ कराेड काराेबार भएकाेमा चाैंथाे काराेबार दिन बुधबार २२ कराेडमा काराेबार खुम्चिएकाे  हाे ।

लगानीकर्ताहरु दशैं सपिङ्गमा व्यस्त हुँदा बजारमा कारोबारीको उपस्थिति दिनप्रतिदिन घट्दै जान थालेका छन् । जसले शेयर कारोबार र परिसूचक समेत बढ्न सकेको छैन । बुधबार पनि कारोबार अवधिभर ऋणात्मक बनेको नेप्से अन्तिम मिनेटको केही सेकेण्डमा मात्र हरियो बनेको हो ।

बुधबार नेप्से ०.४० अंकले बढेर १२१८.३३ बिन्दुमा पुगेर बन्द भएको छ । बुधबार १६२ कम्पनीका ८ लाख ५६ हजार १८७ कित्ता शेयर २२ करोड ६५ लाख २४ हजार रुपैयाँ बराबरको कारोबार भएको छ । मंगलबारको तुलनामा कारोबार रकम ११ करोड ६७ लाख रुपैयाँले घटेको हो । मंगलबार ३४ करोड ३२ लाख रुपैयाँको कारोबार भएको थियो ।

कारोबारमा आएका दश उप सूचकमध्ये बैंकिङ्ग र उत्पादन तथा प्रशोधन समूहको सूचक मात्र वृद्धि भएको छ । उत्पादन तथा प्रशोधन ६.१५ अंक र बैंकिङ्ग २.३८ अंकले वृद्धि भएको हो । यस दिन होटल समुहको सूचक सबैभन्दा धेरै ६.७३ अंकले घटेको छ ।

यस्तै माइक्रोफाइनान्स ५.९३, हाइड्रोपावर ५.६१, निर्जीवन बीमा ५.०९ अंकले घटेको छ । यस्तै विकास बैंक ३.८, फाइनान्स २.२२, अन्य १.४५ र जीवन बीमा १.१८ अंकले नकारात्मक बन्यो ।
बुधबार सानिमा माई हाइड्रोपावरको सबैभन्दा धेरै कारोबार भएको छ । कम्पनीको १५ प्रतिशत लाभांश सुरक्षित गर्ने अन्तिम दिन रहेकाले उच्च कारोबार भएको हो । सानिमा माईको ३ करोड ४२ लाख रुपैयाँ बराबरको कारोबार भएको छ ।

त्यसैगरि माछापुच्छ्रे बैंकको एक करोड ६० लाख रुपैयाँ र चिलिमे हाइड्रोपावरको एक करोड ८ लाख रुपैयाँ बराबरको कारोबार भएको छ ।

बुधबार धेरै कारोबार गर्नेमा नाडेप माइक्रोफाइनान्स, एनआईसी एशिया, एनटिसी, प्रभु बैंक, सिभिल बैंक, मेगा बैंक र जनता बैंक अगाडि रहेका छन् ।

बुधबारको बजारबाट मेगा बैंकका शेयरधनीहरुले सबैभन्दा धेरै ३.११ प्रतिशतले नाफा कमाएका छन् । यस्तै प्रभु बैंकका शेयरधनीले पनि ३.०८, समता माइक्रोफाइनान्सको २.६९, नेपाल हाइड्रोको २.२२, आरएसडिसी लघुवित्त २.१२, आइएमई जनरल इन्स्योरेन्सको २.०७ र दिव्यश्वरी हाइड्रोपावरको शेयरमूल्य २ प्रतिशतले बढेको छ ।

यसदिन सबैभन्दा धेरै गुमाउनेमा कम्पनीमा सिटी एक्प्रेसका शेयरधनीहरु परेका छन् । सिटि एक्प्रेसका शेयरधनीहरुले ५.४५ प्रतिशतले गुमाएका छन् । यस्तै नागबेली लघुवित्तको ३.८९, अरुण काबेली पावरको ३.६८ लक्ष्मी लघुवित्तको शेयरमूल्य ३.६६ प्रतिशतले गुमाएका छन् ।