ग्रामीण विकास लघुवित्तको नाफा एक करोडले सुधारियाे, खराब कर्जाको जोखिम बढ्याे

Nov 16, 2018 Merolagani

ग्रामीण विकास लघुवित्त वित्तीय संस्थाले चालू आर्थिक वर्षको पहिलो त्रैमासमा २ करोड ९० लाख रुपैयाँ खुद नाफा गरेको छ । गत आर्थिक वर्षको तुलनामा एक करोड १० लाख रुपैयाँले खुद नाफा बढाएको हो ।

गत आर्थिक वर्षको पहिलो त्रैमासमा लघुवित्तले एक करोड ८० लाख रुपैयाँ खुद नाफा कमाएको थियो । 

६५ करोड ५० लाख रुपैयाँ चुक्ता पूँजी भएको लघुवित्तले जगेडा कोषमा ३३ करोड ७४ लाख रुपैयाँ सञ्चित गरेको छ ।

यस अवधिमा लघुवित्तले २ अर्ब ८४ करोड ४९ लाख रुपैयाँ निक्षेप संकलन गरेको छ भने ४ अर्ब ७२ करोड ७६ लाख रुपैयाँ सापटी लिएर कूल ९ अर्ब ९ करोड ३६ लाख रुपैयाँ कर्जा लगानी विस्तार गरेको छ ।

लघुवित्तले ३७ करोड ४७ लाख रुपैयाँ व्याज आम्दानी गरेर १८ करोड २ लाख रुपैयाँ व्याज खर्च गरेर १९ करोड ४५ लाख रुपैयाँ खुद व्याज आम्दानी गरेको छ ।

लघुवित्तको निष्कृय कर्जा अनुपात भने उच्च रहेको छ । प्रथम त्रैमासमा लघुवित्तको खराब कर्जा अनुपात ४.८२ प्रतिशत रहेको छ । गत वर्ष यसै अवधिमा उसको खराब कर्जा ४.६९ प्रतिशत रहेको थियो

यस्तै प्रतिशेयर आम्दानी १७ रुपैयाँ ७६ पैसा, प्रतिशेयर नेटवर्थ १५१ रुपैयाँ ५२ पैसा र मूल्य आम्दानीको अनुपात २९.१७ गुणा बढी छ ।


comments powered by Disqus

लकडाउनको असरः दर्जनबढी कम्पनीको साधारणसभा रोकियो, हकप्रद र आइपीओ जारी गर्नै पाएनन्

May 31, 2020 07:12 PM

रविन पाैडेल

कोरोना भाइरसको असर न्यूनिकरणको लागि सरकारले गत चैत ११ गतेदेखि देश नै लकडाउन गरेको छ। लकडाउनको कारण अहिले आर्थिक गतिविधिहरु ठप्प भएका छन् भने पूँजी बजारमा पनि यसले ठूलो प्रभाव पारेको छ।