हकप्रद बिक्रीको प्रस्ताव राखेर लघुवित्तले आगामी पुस ७ गते शनिबार बिहान ११ बजे संस्थाको भवन निर्माण स्थल बलिया कैलालीमा छैटौं वार्षिक साधारण सभा आह्वान गरेको छ ।
किसान माइक्रोफाइनान्सले मंसिर २ गतेदेखि ५० प्रतिशत हकप्रद बिक्री गरिरहेको छ । यो हकप्रद र लघुवित्त कम्पनीले गत आर्थिक वर्षको नाफाबाट वितरण गर्न प्रस्ताव गरेको २९ प्रतिशत बोनस पश्चात कायम हुने चुक्ता पूँजीको शतप्रतिशत हकप्रद बिक्री गर्ने भएको हो ।
माइक्रोफाइनान्सको छैटौं साधारण सभामा प्रस्तावित बोनस र हालको ५० प्रतिशत हकप्रद शेयर पश्चात् कायम हुने चुक्ता पूँजी ८ करोड ६० लाख ९ हजार ५०० रुपैयाँको शतप्रतिशत प्रतिशतका दरले ८ लाख ६० हजार ९५ कित्ता हकप्रद शेयर जारी गर्ने प्रस्ताव गरिएको छ ।
सभाले लघुवित्तको सञ्चालक समितिले गत आर्थिक बर्षको नाफाबाट प्रस्ताव गरेको २९ प्रतिशत अर्थात एक करोड ३९ लाख ३४ हजार रुपैयाँ बराबरको बोनस शेयर र कर प्रयोजनका लागि १.५३ प्रतिशतले हुन आउने ७ लाख ३३ हजार ३९५ रुपैयाँ नगद लाभांश वितरण प्रस्ताव पारित गर्देछ ।
छैटौं साधारण सभा प्रयोजनका लागि माइक्रोफाइनान्सले मंसिर २९ गते बुक क्लोज गर्ने जनाएको छ । यसअनुसार मंसिर २८ गतेसम्म कायम शेयरधनीले मात्र बोनस शेयर र साधारण सभामा भाग लिन पाउनेछन् ।
चालू आर्थिक बर्षको असोज मसान्तसम्म माइक्रोफाइनान्सले ८५ लाख ४८ हजार खुद नाफा आर्जन गरेकाे छ ।