साधारण सभा प्रयोजनको लागि कम्पनीले पुस १९ गते देखि २७ गत सम्म बुक क्लोज गर्ने जनाएको छ । यस अनुसार पुस १८ गते सम्म कायम शेयरधनीले मात्रै कम्पनीको लाभांश पाउनेछन् ।
साधारण सभामा यस अघि प्रस्ताव गरेको गत आर्थिक वर्षको मुनाफाबाट शेयरधनीहरुलाई चुक्ता पूँजीको २० प्रतिशत अर्थात ७९ करोड ३० लाख रुपैयाँ बराबरको बोनस शेयर र ५ प्रतिशत अर्थात १९ करोड ८२ लाख रुपैयाँ नगद लाभांश वितरण गर्ने प्रस्ताव स्वीकृत गर्ने तयारी गरेको छ ।
यस्तै सञ्चालक समितिको तर्फबाट प्रस्तुत हुने वार्षिक प्रतिबेदन छलफल गरी पारित गर्ने, लेखापरीक्षकको प्रतिवेदन सहित नाफा नोक्सान हिसाब तथा नगद प्रवाह विवरणहरुमा छलफल तथा अधिकृत तथा जारी पुँजी वृद्धि गर्न प्रबन्धपत्र तथा नियमावलीमा संशोधन गर्ने एजेन्डा पनि रहेको छ ।
साधारण सभाले लेखापरीक्षकको नियुक्ती र पारिश्रमिक निर्धारण गर्ने तयारी पनि गरेको छ ।
३ अर्ब ९६ करोड ५१ लाख १३ हजार रुपैयाँ चुक्ता पूँजी रहेको चिलिमे जलविद्युत कम्पनीले चालु आर्थिक वर्षको पहिलो त्रैमासमा कम्पनीले २६ करोड ७८ लाख ९८ हजार रुपैयाँ खुद नाफा आर्जन गरेर प्रतिशेयर आम्दानी वार्षिक २७ रुपैयाँ ३ पैसा कायम गरेको छ । प्रस्तावित बोनसपछि पुँजी ४ अर्ब ७५ करोड ८१ लाख ३५ हजार रुपैयाँ पुग्नेछ ।