सभामा कम्पनीले आफ्ना शेयरधनीलाई गत आर्थिक वर्षको मुनाफाबाट प्रस्ताव गरेको १० प्रतिशत बोनस र १८ प्रतिशत नगद लाभांश वितरण गर्ने भएको छ ।
साधारण सभा प्रयोजनका लागि कम्पनीले पुस ६ गतेदेखि पुस २७ गतेसम्म बुक क्लोज गर्ने भएको छ। जसअनुसार पुस ५ गते बिहीबारसम्म कायम शेयरधनीले मात्र कम्पनीको साधारण सभामा भाग लिन र लाभांश प्राप्त गर्नेछन् ।
हाल कम्पनीको चुक्ता पूँजी २ अर्ब २१ करोड रुपैयाँ छ । १० प्रतिशत बोनसपछि कम्पनीको चुक्ता पूँजी २ अर्ब ४४ करोड रुपैयाँ पुग्नेछ ।
चालु आर्थिक बर्षको प्रथम त्रैमासमा कम्पनीले १० करोड ३८ लाख रुपैयाँ खुद नाफा आर्जन गरेको छ । कम्पनीको प्रतिशेयर आम्दानी ४ रुपैयाँ ६८ पैसा, प्रतिशेयर नेटवर्थ २९८ रुपैयाँ ११ पैसा र मूल्य आम्दानी अनुपात १०१.९२ गुणा बढी छ ।
