कार्यक्रयमा डा.घिमिरेले प्रभु लाइफले यसै गरी जनमानसबीच उत्कृष्ट जीवन बीमा योजनाहरु ल्याउ्रँदै जाने कुरा बताए ।
कार्यक्रममा कम्पनीका निमित्त प्रमुख कार्यकारी अधिकृत किशोर प्रसाद लामिछाने लगायत कम्पनीका व्यवस्थापन समूहका सदस्यहरु त्था विभिन्न संघ संस्थाहरुका महानुभावहरुको उपस्थिति रहेको थियो । कार्यक्रममा लामिछानेले यो जीवन बीमा अत्यन्तै प्रभावकारी हुने जानकारी व्यक्त गरे।
ग्राहकहरुलाई यस जीवनवीमा बाट धेरै नै लाभ हुने कुरामा दुईमत नरहेको र कम्पनीको उत्कृष्ट जीवन बीमा योजनामा जीवन वीमा योजना रहेको जानकारी गराए ।
उनले हाल बिभिन्न ४० शाखा तथा उपशाखा कार्यालयहरुबाट जीवन बीमा सेवाहरु उपलब्ध रहेको र आगामी दिनहरुमा कम्पनीले देशका सबै जिल्लाहरुमा आफ्नो सञ्जाल क्रमशः विस्तार गर्दै लैजाने लक्ष्य रहेको जानकारी गराउनुभयो ।
यस श्री वृद्धि जीवन बीमा योजना अन्तर्गत बीमा रकममा प्रत्येक वर्ष ५ का दरले वृद्धि हुँदै जानेछ तर बीमा शुल्क (प्रिमियम) भने जीवन बीमा अवधि भरि नै एकैनास हुनेछ ।
मानौँ, १० लाख बराबरको २० वर्षे जीवन बीमा गर्दा पहिलो वर्ष नै १० लाखको रु. ५०,०००÷– ले वृद्घि हुन्छ । अनि २० वर्षमा बीमा रकम २० लाखको हुनेछ र बोनस सहित बीमितले बीमाङ्कको करिब ३ गुणा रकम एकमुष्ठ फिर्ता पाउनेछन् ।
टाइम भ्यालू अफ मनिको अवधारणालाई पूरा गर्ने उदेश्यले यस जीवन बीमा योजना ग्राहकहरु माझ सार्वजनिक गरिएको कम्पनीले जनाएको छ ।
दुई अर्ब चुक्ता पूँजी रहेको प्रभु लाइफ इन्स्योरेन्स कम्पनीमा संस्थापक शेयरधनीले १ अर्ब ४० करोड लगानी गरेका छन्। कम्पनीले केही समयभित्रै साठ्ठी करोड रुपैयाँ बराबरको साधारण शेयर जारी गर्नेछ ।
