तिनाउ विकास बैंकको लाभांश पारित, चुक्ता पूँजी ५६ करोड पुग्ने

Dec 23, 2018 Merolagani

तिनाउ विकास बैंक (TNBL) को लाभांश पारित भएको छ। बैंकको पुस ९ गते शनिबार सम्पन्न बाह्रौं वार्षिक साधारण सभाबाट गत आर्थिक वर्षको मुनाफाबाट १२ प्रतिशत बोनस शेयर र कर बापतको नगद लाभांश पारित भएको हो ।

बुटवलको होटल क्लव डेनोभोमा सम्पन्न बैंकको साधारण सभाले आर्थिक वर्ष २०७४÷७५ को मुनाफाबाट ५० करोड ६९ लाख रुपैयाँ चुक्ता पूँजीको १२ प्रतिशतले हुन आउने ६ करोड ८ लाख रुपैयाँ बराबरको बोनश शेयर र कर प्रयोजनको लागि नगद लाभांश वितरण गर्ने प्रस्ताव पारित गरेको हो । 

 

बोनस शेयर पारितपछि बैंकको चुक्ता पूँजी ५६ करोड रुपैयाँ पुगेको छ ।

साधारण सभाले बैंकका अध्यक्ष राजेन्द्र प्रसाद वझाले सञ्चालक समितिको तर्फबाट प्रस्तुत गरको आर्थिक वर्ष २०७४/७५ को वार्षिक प्रतिवेदन पारित भयो । यस्तै आर्थिक वर्ष २०७४/७५ को लेखा परीक्षण प्रतिवेदन, २०७५ आषाढ मसान्त सम्मको वासलात, नाफा नोक्सान तथा नगद प्रवाह विवरणको बारेमा छलफल भएको छ ।

साधारण सभाबाट अनिल प्रसाद श्रेष्ठ र रविन्सन कक्षपति आगामी कार्यकालको लागि सर्वसाधारण शेयरधनीको तर्फबाट निर्विरोध रुपमा सञ्चालक . निर्वचित भएका छन् ।


comments powered by Disqus

दुबईका व्यवसायीलाई नेपालमा लगानी गर्न उपप्रधानमन्त्री पोखरेलकाे आग्रह

Nov 20, 2019 05:39 PM

उपप्रधान तथा रक्षामन्त्री ईश्वर पोखरेलले कानूनी रुपमै लगानी सुरक्षाको प्रत्याभूति गरिएको भन्दै नेपालमा लगानी गर्न संयुक्त अरब इमिरेट् (युएई) का लगानीकर्तालाई आग्रह गरेका छन्। युएईको औपचारिक भ्रमणमा रहेका उपप्रधानमन्त्री पोखरेलसँग दुबई उद्योग वाणिज्य सङ्घका अध्यक्षसंगकाे भेटमा नेपालमा लगानी गर्न आग्रह गरेका हुन्।