बजार विश्लेषकहरूको अनुमान विपरीत एलजीको नाफामा उल्लेख्य कमी आउने प्रक्षेपण गरिएको हो । विश्लेषकहरूले ३४ करोड डलरको प्रक्षेपण गरेका थिए ।
एलजीले गतवर्षको अक्टोबरदेखि डिसेम्बरसम्ममा ७५ अर्ब ३० करोड नाफा हुने प्रक्षेपण गरेको छ । यसअघि अर्थविद्हरूले भने यो आकार ३ खर्ब ८७ अर्ब वन रहने बताएका थिए ।
कम्पनीको आम्दानी पनि ७ प्रतिशत कमजोर बन्दै १ सय ५८ खर्ब वनमा झर्ने बताएको छ । बिश्लेषकहरूले सोही अवधिमा १ सय ६३ खर्ब वन आम्दानी हुने अनुमान गरेका थिए । कम्पनीले यस विषयमा थप जानकारी भने दिएको छैन । जनवरीको अन्तिमसम्ममा कम्पनीले आफ्नो पूर्ण नतिजा सार्वजनिक गर्दै छ ।
विश्लेषकहरूका अनुसार नयाँ स्मार्टफोनको मार्केटिङ खर्च र बर्षको अन्त्यमा बोनस दिएका कारण एलजीको कमाई घट्न सक्नेछ । गत बर्ष जुन महिनासम्म ग्लोबल स्मार्टफोन मार्केटमा एलजीको ३ प्रतिशत शेयर थियो ।
एजेन्सी