सभाले पुस ११ गते बसेको ३२४ औं सञ्चालक समिति बैठकले प्रस्ताव गरेको चुक्ता पूँजीको ५.२६३ प्रतिशतले हुन आउने ४ करोड २१ लाख ५ हजार २६३ रुपैयाँ १६ पैसा लाभांश पारित गर्नेछ ।
फाइनान्सले साधारण सभा प्रयोजनको लागि माघ २७ गते देखि फागुन १० गतेसम्म बुकक्लोज गर्ने जनाएको छ । यस अनुसार माघ २४ गतेसम्म कायम शेयरधनीले मात्र लाभांश पाउनेछन् ।
यस्तै कम्पनीले इन्स्योरेन्स एजेन्टको रुपमा काम गर्न सम्बन्धीत नियमनकारी निकायको स्वीकृति लिई कार्य गर्न थप व्यवस्थाबारे पनि विशेष प्रस्ताव गर्दैछ ।
साधारण सभामा सञ्चालक समितिको प्रतिवेदन छलफल गरि पारित गर्ने, लेखा परीक्षकको प्रतिवदन सहित आर्थिक वर्ष २०७५ असार मसान्त सम्मको वाललात तथा नाफा नोक्सान हिसाब तथा नगद प्रवाह विवरण स्वीकृत गर्नेछ ।
यसैगरी आर्थिक वर्ष २०७५/७६ का लागि लेखापरीक्षकको नियुक्ती र पारिश्रमिक निर्धारण गर्ने तयारी पनि गरेको छ ।
८० करोड रुपैयाँ चुक्ता पूँजी रहेको गुडविल फाइनान्सले चालु आर्थिक वर्षको पहिलो त्रैमासमा फाइनान्सले एक करोड ४ लाख ६४ हजार रुपैयाँ खुद नाफा कमाएर प्रतिशेयर आम्दानी ५ रुपैयाँ २३ पैसा कायम गरेको छ ।
