स्तरोन्नतीको काम सके पछि सोल्टी होटलको खुद नाफा ९७ प्रतिशतले बढयो

Feb 10, 2019 Merolagani

सोल्टी होटल (SHL) ले चालु आर्थिक बर्षको दोस्रो त्रैमासमा १५ करोड १६ लाख रुपैयाँ खुद नाफा कमाएको छ । गत वर्षको यहि अवधिमा ७ करोड ६९ लाख रुपैयाँ कमाएको होटलको खुद नाफा ९७.०७ प्रतिशतले बढेको हो ।

समिक्षा अवधिमा होटलको बजार व्यवस्थापन तथा प्रवद्र्धन लगायत स्तरोन्नती काय सम्पन्न गरी संचालनमा आएपछि नाफामा सुधार भएको हो ।

यस त्रैमासको अन्ततिर होटल परिसरमा अत्याधुनिक उपकरण र प्रविधि सहतिको सुविधा सम्पन्न स्पा तथा वेलनेश सेन्टर संचालनमा आएकोले आगामी दिनका होटलको आम्दानी बढ्ने अनुमान छ ।

होटलले यस अवधिमा व्यापार व्यवसाय तथा सेवाको बिक्री मार्फत ८८ करोड ५ लाख रुपैयाँ आम्दानी गरेको छ । गत वर्षको यसै अवधिमा ६८ करोड ६३ लाख रुपैयाँ आम्दानी गरको थियो । यस्तै यस अवधिमा होटलले १९ करोड २८ लाख रुपैयाँ होटल संचालनबाट नाफा कमाएको छ ।

होटलको शेयर पूँजी ६६ करोड ६० लाख रुपैयाँ छ भने जगेडा कोषमा ९२ करोड ३५ लाख रुपैयाँ सञ्चित छ ।

यस अवधिमा कम्पनीको प्रतिशेयर आम्दानी ४ रुपैयाँ ५५ पैसा, प्रतिशेयर नेटवर्थ २३ रुपैयाँ ८७ पैसा, र प्रतिशेयर आम्दानी अनुपात ९०.०४ गुणा बढी छ ।

 

comments powered by Disqus

नेपाल लाइफ इन्स्योरेन्सले डाक्यो एजिएम, साढे ४८ प्रतिशत लाभांश बाँड्न कहिले गर्दैछ बुकक्लोज ?

Apr 26, 2019

नेपाल लाइफ इन्स्योरेन्स (NLIC) आर्थिक वर्ष २०७४/७५ मा बीमा कम्पनीमध्ये पहिलो साधारण सभा डाक्ने कम्पनी बनेको छ। इन्स्योरेन्सले आगामी जेठ ४ गते शनिबार होटल दियालो वीरगञ्जमा बिहान ९:३० बजे १९ औं वार्षिक साधारण सभा बोलाएको हो।