सिटिजन्स म्युचुअल फण्ड–१ को एनएभिमा २२ पैसाको गिरावट

Feb 27, 2019 Merolagani

सिटिजन्स म्युचुअल फण्ड अन्र्तगत सञ्चालित सिटिजन्स म्युचुअल फण्ड–१ (CMF1) ले माघ महिनाको वित्तिय विवरण सार्वजनिक गरेको छ । माघ महिनामा फण्डको प्रति इकाई खुद सम्पत्ति मूल्य (एनएभि) १० रुपैयाँ ३९ पैसा कायम भएको छ ।

गतमहिनाको तुलनामा फण्डको एनएभि २२ पैसाले ह्रास भएको हो । पुस महिनामा फण्डको एनएभि १० रुपैयाँ ६१ पैसा थियो ।

८२ करोड रुपैयाँको आकारमा सञ्चालित फण्डको माघ महिनामा खुद सम्पत्ति ८५ करोड १७ लाख २६ हजार ९६१ रुपैयाँ छ । गत महिनाको तुलनामा फण्डको खुद सम्पत्ति एक करोड ८२ लाख ९

हजार ३१५ रुपैयाँले घटेको हो । पुस महिनामा फण्डको खुद सम्पत्ति ८६ करोड ९९ लाख ३६ हजार २७६ रुपैयाँ थियो ।

गतवर्षको फागुन महिना देखि सञ्चालनमा आएको यस फण्डले नेपाल स्टक एक्सचेञ्जमा सूचीकृत भएका कम्पनीका ३८ लाख ६१ हजार ६४९ कित्ता शेयरमा ५९ करोड १६ लाख १४ हजार ८६४ रुपैयाँ लगानी गरेको छ ।

जस मध्ये फण्डले सबै भन्दा धेरै लगानी वाणिज्य बैंकहरुको शेयरमा लगानी गरेको छ । फण्डको वाणिज्य बैंकमा २६ करोड ६४ लाख ४६ हजार ३२७ रुपैयाँ लगानी छ ।

फण्डले पुस महिनामा ५४ करोड ९० लाख ८२ हजार ५४३ रुपैयाँ लगानी थियो । फण्डले सूचीकृत हुन बाँकी धितोपत्रमा ५ करोड रुपैयाँ लगानी गरेको छ भने मुद्धती निक्षेपमा ८ करोड रुपैयाँ लगानी गरेको छ ।

समीक्षा अवधिमा फण्डले १४ करोड २७ लाख २४ हजार ८६५ रुपैयाँ बैंक मौज्दातमा संचित गरेको छ भने ४६ लाख ८३ हजार ७५८ रुपैयाँ बराबरको अन्य सम्पत्ति रहेको छ ।

यस महिनामा दुई करोड ४१ लाख ३५ हजार ६५६ रुपैयाँ आम्दानी गरेको फण्डले एक करोड एक लाख २९ हजार १२१ रुपैयाँ खर्च गरेको छ ।


comments powered by Disqus

बैंकका सीइओहरुसँग अर्थमन्त्रीको छलफल, बैंकिङ क्षेत्रमा देखिएको समस्याको समाधान खोज्न निर्देशन

Feb 17, 2020 06:21 PM

अर्थमन्त्री डा युवराज खतिवडाले वाणिज्य बैंकका सिइओहरुसँग मुलुकको समसामयिक आर्थिक तथा वित्तीय अवस्था एवम् वैंकिङ्ग क्षेत्रमा देखिएका समस्याहरुको बारेमा छलफल गरेका छन्।