सभामा इन्स्योरेन्स सञ्चालक समितिले आर्थिक वर्ष २०७३/०७४ को सञ्चित मुनाफाबाट प्रस्ताव गरेको चुक्ता पूँजी ५९ करोड ४० लाख रुपैयाँको ८ प्रतिशत बोनस र कर प्रयोजनका लागि ०.४२१ प्रतिशत (२५ लाख १ हजार ५३ रुपैयाँ) नगद लाभांश अनुमोदन गर्नेछ ।
यस्तै साधारण सभाले बीमा समितिको निर्देशन अनुसार बोनस शेयर र ५० प्रतिशत हकप्रद शेयर जारी पश्चात कायम हुने चुक्ता पूँजी ९३ करोड ८५ लाख २० हजार रुपैयाँको शतप्रतिशत हकप्रद निष्काशन गर्ने प्रस्ताव पारित गर्ने विशेष प्रस्ताव गरेको छ ।
इन्स्योरेन्सले ५० प्रतिशत बराबरको २९ लाख ७० हजार कित्ता हकप्रद बिक्री गर्न धितोपत्र बोर्डबाट अनुमति पाइसकेको छ। ५० प्रतिशत हकप्रद प्रयोजनको लागि कम्पनीले चैत ६ गते शेयर दाखिला खारेज (बुक क्लोज) गर्ने जनाएको छ । यसअनुसार चैत ५ गतेसम्म कायम शेयरधनीहरूले ५० प्रतिशत हकप्रदमा आवेदन गर्न पाउनेछन् ।
यसैगरि बीमा समितिको निर्देशन अनुसार कम्पनीले आफ्नो अधिकृत, जारी तथा चुक्ता पूँजी २ अर्ब कायम गरी प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी प्रदन गर्नेछ । नयाँ सञ्चालक सौरभ दुगडको नियुक्तीलाई पनि साधारण सभाले अनुमोदन गर्नेछ ।
साधारण सभा प्रयोजनको लागि कम्पनीको शेयर दाखिला खारेज (बुक क्लोज) चैत ६ गते देखि २१ गते सम्म गर्ने जनाएको छ । त्यस अनुसार चैत ५ गतेसम्म कायम शेयरधनीले लाभांश पाउनेछन् ।
इन्स्योरेन्सले चालु आर्थिक वर्षको दोस्रो त्रैमासमा ७१ करोड ९९ लाख रुपैयाँ खुद बीमा शुल्क आर्जन गरी ४ करोड ९ लाख ९५ हजार खुद नाफा आर्जन गरेको छ ।
यस अवधिमा कम्पनी प्रतिशेयर आम्दानी १३ रुपैयाँ ८० पैसा, प्रतिशेयर नेटवर्थ १५० रुपैयाँ १० पैसा र मूल्य आम्दानी अनुपात ५१.४४ गुणा बढी छ ।
