पोखरेल २०७५ साल चैत्र १८ गतेबाट लागू हुने गरी आगामी ४ वर्षको कार्यकालका लागि सीइओ नियुक्त भएका हुन् । तत्कालीन सीइओ राजन सिंह भण्डारीको समयावधि समाप्त भएपश्चात पोखरेलले कामु सीइओको रुपमा कार्यसम्पादन गर्दै आएका थिए ।
स्थापनाकालदेखि नै सिटिजन्स बैंकमा आवद्ध भई विभिन्न पदमा रहेर नेतृत्वदायी भूमिका निर्वाह गर्दै आएका पोखरेलले ०६५ सालदेखि नै दोस्रो वरियतामा रही बैंकको नेतृत्व सम्हाल्दै आएका थिए ।
त्रिभुवन विश्व विद्यालयबाट मार्केटिङमा स्नातकोत्तर, कानुनमा स्नातक तथा काठमाडौं विश्व विद्यालयबाट वित्त व्यवस्थापन विषयमा स्नातकोत्तर गरेका उनिसँग व्यवस्थापन क्षेत्रमा २५ वर्षभन्दा लामो अनुभव छ ।
बैंकिङ क्षेत्रमा एक अनुभवी बैंकरका रूपमा परिचित पोखरेलले सीइओ नियुक्ति भएसँगै पोखरेलले नीति नियमको अनुपालना आफ्नो प्राथमिकतामा पर्ने र यस अवधिमा बैंकलाई थप उचाईमा पुर्याउने गरी काम गर्ने प्रतिबद्धता जनाएका थिए।
