सानिमा बैंकले सहायक कम्पनी सानिमा क्यापिटल, नक्साल मार्फत चैत ७ गते बिहीबारदेखि २७ लाख १८ हजार ८३५ कित्ता संस्थापक शेयर लिलाम बढाबढमा बिक्री खुला गरेको छ। यस लिलामीमा इच्छुक लगानीकर्ताले न्युनतम १८० रुपैयाँ वा सो भन्दा बढी मूल्य तोकेर बोलपत्र पेश गर्न सक्नेछन्।
बिक्री प्रबन्धक सानिमा क्यापिटलका राष्ट्र बैंकले एक जना सञ्चालकले एकभन्दा बढी बैंक तथा वित्तीय संस्थामा ठूलो शेयर होल्डिङ्ग (‘क्रस होल्डिङ्ग’) राख्न नपाउने व्यवस्था गरेपछि सानिमाका एक सञ्चालकले सो परिमाणको शेयर लिलामी मार्फत बिक्री गर्न लागेका हुन् । उनिसँग अर्को वाणिज्य बैंकमा पनि ठूलो होल्डिङ्ग रहेकाले सो शेयर बिक्री गर्न लागेका हुन्।
८ अर्ब १२ लाख ५५ हजार ४०० रुपैयाँ चुक्ता पूँजी भएको बैंकले २७ करोड १८ लाख ८३ हजार ५०० रुपैयाँ बराबरको संस्थापक शेयर बिक्री गर्न लागेको हो। यो कूल शेयरको ३.३९८ प्रतिशत र कूल संस्थापक शेयरको अनुपात ६.६६ प्रतिशत शेयर हो। बैंकमा संस्थापक साधारण शेयर स्वामित्व ५१:४९ रहेको छ।
संस्थापक शेयर खरिद गर्न चाहने इच्छुक व्यक्ति तथा संस्थाले प्रतिकित्ता न्यूनतम १८० रुपैयाँ मूल्य आधार मानेर न्यूनतम २ लाख कित्ताको लागि ३ करोड ६० लाख रुपैयाँ वा सोभन्दा बढी बढाबढ मूल्यमा आवेदन पेश गर्न सक्नेछन्।
बैंकका अन्य संस्थापक शेयरधनी, बैंक तथा वित्तीय संस्था तथा संस्थापक शेयर खरिद गर्न योग्य व्यक्ति, कम्पनी, सघं, संस्थाहरुलाई बोलपत्र पेश गर्न सक्नेछन् । बैंकको संस्थापक शेयरमा सोमबार कार्यालय समयभित्र सानिमा क्यापिटल नारायणचौर नक्सालमा गोप्य शिलबन्दी बोलपत्र पेश गरिसक्नुपर्ने क्यापिटलले जनाएको छ।
अधिकतम शेयर संख्याको लागि कुनै हद तोकिएको छैन तर राष्ट्र बैंकले एक जना व्यक्तिले खरिद गर्न सक्ने तोकेको सीमाभन्दा बढी नहुने गरि आवेदन गर्न सक्नेछन्। दशमलवमा आवेदन गरिको बोलपत्र रद्ध हुनेछ।
उक्त बोलपत्र चैत २६ गते बेलुका ४ बजे सानिमा क्यापिटल नक्सालमा खुला गरिने बताइएको छ।
