विजय लघुवित्तलाई शतप्रतिशत हकप्रद बेच्न राष्ट्र बैंकको अंकुश

Apr 15, 2019 Merolagani

विजय लघुवित्त वित्तीय संस्था (VLBS) लाई शतप्रतिशत हकप्रद निष्काशन गर्न राष्ट्र बैंकले रोक लगाएको छ। लघुवित्तले गत पुस १४ गते सम्पन्न छैटौं वार्षिक साधारण सभाबाट पारित प्रस्ताव बमोजिम प्रबन्धपत्र संसोधनको स्वीकृती मागेकोमा केन्द्रीय बैंकले रोक लगाएको हो।

लघुवित्तको छैटौं वार्षिक साधारण सभाले गत आर्थिक वर्षको बोनस (१०%) पश्चात कायम चुक्ता पूँजी १९ करोड ४८ लाख १० हजारको एक बराबर एक अनुपातमा हकप्रद निष्काशन गरि ३८ करोड ९६ लाख २० हजार रुपैयाँ चुक्ता पूँजी पुर्याउने विशेष प्रस्ताव पारित भएको थियो । 

राष्ट्र बैंकले सो हकप्रद प्रस्ताव अनुरुप प्रबन्धपत्र संसोधन गर्न अस्वीकृत गर्दै बोनस पश्चात कायम हुने चुक्ता पूँजी १९ करोड ४८ लाख १० हजार कायम गर्न स्वीकृती दिएको हो।

राष्ट्र बैंकले लघुवित्तको प्रस्तावलाई अस्वीकृत गरेसँगै कम्पनी सञ्चालक समितिको चैत २८ गते सम्पन्न ९९ औं बैठकले हाललाई बोनस वितरण प्रकृया अगाडि बढाउने र हकप्रद शेयर जारी गर्ने प्रस्ताव स्थगन गर्ने निर्णय गरेको हो। 


comments powered by Disqus

बैंकका सीइओहरुसँग अर्थमन्त्रीको छलफल, बैंकिङ क्षेत्रमा देखिएको समस्याको समाधान खोज्न निर्देशन

Feb 17, 2020 06:21 PM

अर्थमन्त्री डा युवराज खतिवडाले वाणिज्य बैंकका सिइओहरुसँग मुलुकको समसामयिक आर्थिक तथा वित्तीय अवस्था एवम् वैंकिङ्ग क्षेत्रमा देखिएका समस्याहरुको बारेमा छलफल गरेका छन्।