नेपाल टेलिकमको फोरजी सेवा मुलुकभर विस्तार हुने, एक वर्ष भित्र काम सक्ने

Apr 18, 2019 Merolagani

नेपाल टेलिकमले फोरजी/एलटिइ  सेवा मुलुकभर विस्तार गर्ने भएको छ । बिहीबार टेलिकमको केन्द्रिय कार्यलय, भद्रकालीमा एक कार्यक्रम आयोजना गरी फोर जि/एलटिइ सेवा मुलुकभर सेवा विस्तार गर्ने जनाएको हो ।

टेलिकमले काठमाडौं र पोखराबाट सन २०१७ जनवरी १ देखि पहिलो पल्ट फोरजी/एलटिइ  सेवा सुरु गरेको थियो ।

देशभर फोरजी/एलटिइ  विस्तारमा ढिलाई भएको स्वीकार गर्दै सेवा विस्तारले उल्लेख्य प्रगति गरेको प्रबन्ध निर्देशक डिल्लीराज अधिकारीले जानकारी गराए ।

टेलिकमले सातै प्रदेशमा सेवा विस्तारको लागि गत माघ २० गते कोर जेटिइ कार्पोरेशन चीन, नेटवर्क आई, नेटवर्क आईआईको लागि सिसिएसआई हङकङ्गसंग सम्झौता गरेको छ ।

सम्झौता अनुसार १२ महिनामा सम्पन्न गर्नको लागि साइट सर्भेको काम सुरु भएको टेलिकमका प्रवक्ता प्रतिभा बैद्यले जानकारी गराए । उनका अनुसार अहिले सम्म साइट सर्भेको काम ६५ प्रतिशत सकिएको छ ।

प्रबन्ध निर्देशक अधिकारीले सन २०२५ सम्म फोरजीबाट पर्याप्त फाइदा लिएर फाइभजीको लागि तयार हुनुपर्ने बताए । अहिले विस्तार गर्न लागेको प्रविधिमै फाइभजी सेवा विस्तार गर्न सकिने उनको भनाई छ । अहिलेको बजारमा फोरजी सेवा नै उपयुक्ता रहेको उनको दाबी छ । फोरजीको विस्तारसंगै टुजी र थ्रिजीलाईपनि विस्तार गरिने टेलिकमले जनाएको छ ।

यस्तै टेलिकमले चालु आर्थिक वर्षको चैत मसान्त सम्ममा ४ सय थ्रीजि विटिएस र ४०७ वटा विटिएस थप गरिएको जनाएको छ ।

एक करोड लाइन मोबाईल आयोजना अन्र्तगत ग्राहकहरुको माग एवंम प्रविधिक अध्ययन अनुसार आवश्यक देखिएको स्थानहरुमा मोवाईल कार्य जारी रहेको पनि टेलिकमले जानकारी गराए । यस अन्र्तगत प्याकेज ए र प्याकेज बि गरी काम गरिरहेको छ ।

प्याकेज बि अन्र्तगत शत प्रतिशत काम सकिएको छ भने ए अन्र्तगत ९५ प्रतिशत काम सकिएको टेलिकमले जनाएको छ ।

 


comments powered by Disqus

लकडाउनको असरः दर्जनबढी कम्पनीको साधारणसभा रोकियो, हकप्रद र आइपीओ जारी गर्नै पाएनन्

May 31, 2020 07:12 PM

रविन पाैडेल

कोरोना भाइरसको असर न्यूनिकरणको लागि सरकारले गत चैत ११ गतेदेखि देश नै लकडाउन गरेको छ। लकडाउनको कारण अहिले आर्थिक गतिविधिहरु ठप्प भएका छन् भने पूँजी बजारमा पनि यसले ठूलो प्रभाव पारेको छ।