चालु आवको तेस्रो त्रैमासमा बैंकले ३४ करोड ३४ लाख रुपैयाँ खुद नाफा आर्जन गरेको छ । गत आवको यसै अवधिमा बैंकले १८ करोड ४४ लाख रुपैयाँ खुद नाफा कमाएको थियो। बैंकको नाफा गत आवको तेस्रो त्रैमासभन्दा १५ करोड ९० लाख रुपैयाँ बढी नाफा कमाएको हो।
समीक्षा अवधिमा बैंकले निक्षेप संकलन २५ तथा कर्जा लगानीलाई २७ प्रतिशत बढीले विस्तार गरेको हो। जसबाट बैंकको खुद ब्याज आम्दानी ३७ प्रतिशतले बढेको छ ।
चैत मसान्तसम्म बैंकले २४ अर्ब ३५ करोड ४५ लाख रुपैयाँ निक्षेप संकलन गरि २२ अर्ब ३६ करोड २७ लाख रुपैयाँ कर्जा लगानी गरेको छ । यसबाट बैंकको खुद ब्याज आम्दानी ७३ करोड २४ लाख रुपैयाँ कमाएको हो।
दुई अर्ब २० करोड ९७ लाख रुपैयाँ चुक्ता पूँजी रहेको बैंकको जगेडा कोषमा एक अर्ब रुपैयाँ ४६ करोड १४ लाख रुपैयाँ सञ्चित छ। चुक्ता पूँजी २.८० प्रतिशतले बढाएको बैंकको जगेडा कोष २७ प्रतिशतले सुधारिएको हो ।
पूँजी वृद्धिको तुलनामा बैंकको नाफा उच्च हुँदा यस अवधिमा बैंकको प्रतिशेयर आम्दानी ११ रुपैयाँ ४४ पैसाबाट २० रुपैयाँ ७३ पैसा पुगेको छ । बैंकको निष्कृय कर्जा अनुपात पनि २.५९ बाट घटेर २.१३ प्रतिशतमा सीमित भएको छ ।
प्रतिशेयर प्रतिसेयर नेटवर्थ १६६ रुपैयाँ ३२ पैसा रहेको बैंकको मूल्य आम्दानी अनुपात ८.४० गुणा धेरै छ । बैंकको आधार ब्याजदर ११.१३ र कोषको लागत ८.७८ प्रतिशत रहेको छ । आधार ब्याजदर १.६२ प्रतिशत र निक्षेप संकलन लागत ०.४३ प्रतिशतले सुधार भएको हो।
