बजारमा उछाल आउँदा आईपिओकै मूल्यमा शेयर, ६८ कम्पनीको २०० भन्दा तल

Apr 24, 2019 Merolagani

पछिल्ला दिनहरुमा शेयर बजार परिसुचक नेप्सेमा उछाल आइरहेको छ । निरन्तर बढेर सोमबार सामान्य करेक्सन देखिएको बजार त्यस पछिका दिनमा पनि बढिरहेको छ । बजार निरन्तर बढ्दै गर्दा ६८ कम्पनीहरुको शेयर मूल्य २०० रुपैंयाभन्दा तल छ । ...

मंगलबार बजार बन्द भए पछिको तथ्यांकका आधारमा हेर्दा ६८ कम्पनीहरुको शेयर मूल्य २०० रुपैंयाभन्दा तल छ । कतिपय कम्पनीहरुको शेयर मूल्य आईपिओकोभन्दा सस्तो छ ।

जलविद्युत कम्पनीहरुले दिने प्रतिफललाई लगानीकर्ताले नजिकबाट आँकलन गर्न थाले पछि पछिल्लो समय जलविद्युत कम्पनीहरुको शेयर मूल्य तल्लो विन्दुमा ओर्लिएका छन् ।

सिभिल, मेगा, सेञ्चुरी र जनता बैंकको शेयर मूल्य २०० रुपैंयाभन्दा तल छ । त्यसै गरी २१ वटा विकास बैंकको शेयर मूल्य पनि २०० रुपैंयाभन्दा तल छ । कुन बैंकको शेयर मूल्य कति ? तालिकामा हेर्नुहोस् ।

उता २०० रुपैंयाभन्दा सस्तो मूल्यमा रहेका फाइनान्स कम्पनीको संख्या पनि उस्तैछ । मंगलबारको शेयर मूल्यका आधारमा हेर्दा सबैजसो फाइनान्स कम्पनीहरुको शेयर मूल्य २०० रुपैंयाभन्दा तल रहेको देखिन्छ । कुन् फाइनान्सको शेयरमूल्य कति ? तालिकामा हेर्नुहोस् ।


सबैभन्दा धेरै संख्यामा जलविद्युत कम्पनीहरुको शेयर मूल्य २०० रुपैंयाभन्दा तल छन् । अझ डेढ सय रुपैंयाको हाराहारीमा केही कम्पनीको शेयर कायम हुँदा धेरै कम्पनीहरुको शेयर मूल्य १०० रुपैंया अर्थात आईपिओको मूल्यभन्दा तल रहेको तथ्यांकले देखाउँछ ।

११ जलविद्युत कम्पनीको शेयर मूल्य १०० रुपैंइाभन्दा तल रहेको छ भने एउटाको १०० रुपैंया रहेको देखिन्छ । जलविद्युत लगानी तथा विकास कम्पनीको शेयर मूल्य पनि २०० रुपैंयाभन्दा तल छ । कुन कम्पनीको शेयर मूल्य कति ? तालिकामा हेर्नुहोस् ।

माथि तालिकामा उल्लेख गरिएका कम्पनीहरुमा कतिपयको वित्तीय अवस्था नै कमजोर भएकाले शेयर मूल्य तल झरेको हो । कतिपयको संस्थागत सुशासन कमजोर भएका कारण शेयर मूल्यमा नकरात्मक असर पारेको देखिन्छ । लगानीकर्ताहरुले यस्ता कम्पनीको पहिचान गर्ने तथा कम्पनीको अवस्थाका बारेमा अध्ययन गरेर मात्र लगानीको निर्णय गर्नु उचित हुन्छ ।


comments powered by Disqus

अर्थमन्त्रीको अभिव्यक्तिको असर नेप्सेमा देखिएन, सातामा कारोबार भने २१% ले बढ्यो

Sep 20, 2019 05:43 PM

अर्थमन्त्री डा. युवराज खतिवडाको शेयर बजारप्रति सकारात्मक अभिब्यक्तिले पनि सातामा नेप्से परिसूचक सुधार हुन सकेन। पाँचै दिन खुलेको शेयर बजार दुई दिन उच्च अंकको वृद्धि देखिएपनि तीन दिन दोहोरो अंकले बजार घट्दा समग्र बजार परिसूचक नेप्से २.५८ अंकले घटेर ११५५.३० बिन्दुमा झरेको हो।