कम्पनीले डेटा प्राइभेसीसँग सम्बन्धित कानुनी खर्चका लागि ३ अर्ब डलर छुट्याएर राखेको छ। जसका कारण कम्पनीको नाफामा कमी देखिएको हो।
फेसबुकलाई डेटा प्राइभेसी मामलामा फेडरल ट्रेड कमीशन स्वरुप ३ देखि ५ अर्ब डलरसम्मको जरिवाना लाग्नसक्ने भएको छ।
यद्यपी यस जानकारीको लगानीकर्ताहरुमाथि भने कुनै पनि प्रकारको असर देखिएको छैन। बुधबार कारोबारको अन्तिम समयमा फेसबुकको शेयरमूल्य १० प्रतिशतले बढेको थियो।
जनवरी–मार्च त्रैमासमा फेसबुकको आम्दानी २६ प्रतिशतले बढेर १५ अर्ब डलर पुगेको छ । प्रतिप्रयोगकर्ता औसत आम्दानी १६ प्रतिशतले बढेर ६.४२ डलर पुगेको छ । गत वर्षको यसै अवधिमा उक्त आम्दानी ५.५३ डलर रहेको थियो।
यसैगरी दैनिक सक्रिय प्रयोगकर्ताहरुको संख्या ८ प्रतिशतले बढेर एक अर्ब ५६ करोड डलर पुगेको छ । मासिक सक्रिय प्रयोगकर्ताहरुको संख्या पनि ८ प्रतिशतले बढेर २ अर्ब ३८ करोड पु्गेको छ ।
यूरोपमा मात्र ४० लाख दैनिक सक्रिय प्रयोगकर्ताहरुको संख्या बढेको बताइएको छ ।
एजेन्सी