कसले किन्यो सानिमा बैंकको साढे ३२ करोडको संस्थापक शेयर ?

May 09, 2019 Merolagani

बिहीबार नेप्सेमा सानिमा बैंक (SANIMA) को संस्थापक शेयर मात्रै ३२ करोड ५० लाख रुपैयाँ बराबरको किनबेच भएको छ । बैंकको १८ लाख ५ हजार कित्ता शेयर प्रति कित्ता १८० रुपैयाँमा एकैदिन कारोबार भएको हो ।

राष्ट्र बैंकले एक जना सञ्चालकले एकभन्दा बढी बैंक तथा वित्तीय संस्थामा ठूलो शेयर होल्डिङ्ग (‘क्रस होल्डिङ्ग’) गर्न नपाउने व्यवस्था गरेपछि सानिमाका एक सञ्चालकले २७ लाख १८ हजार ८३५ कित्ता संस्थापक शेयर लिलामी गरेका थिए ।

गत चैतमा लिलामी प्रक्रियाबाट बिक्री भएको शेयर नामसारी गर्दा बिहीबार बैंकको संस्थापक शेयर अधिक मात्रामा कारोबार भएको देखिएको हो । लिलामी शेयर खरिद गर्न चाहने इच्छुक व्यक्ति तथा संस्थाले प्रतिकित्ता न्युनतम १८० रुपैयाँ मूल्य आधार मानेर आवेदन पेश गर्न सकिने व्यवस्था गरेको थियो ।

सानिमा बैंकमा डा. बिरेन्द्र महतोको नाममा रहेको शेयरमध्ये १८ लाख ५ हजार कित्ता शेयर बिहीबार बिक्री भएको हो । लिलामीबाट बिक्री गरिएको सम्पूर्ण शेयर कर्मचारी सञ्चय कोषले सकारेको थियो ।

सोही शेयरको नामसारी हुँदा सानिमाको संस्थापक शेयरको उच्च कारोबार भएको हो । बाँकी शेयर अर्को दिन नेप्से मार्फत कारोबार गरी नामसारी हुनेछ ।


comments powered by Disqus

व्यवस्थापकीय कमजोरीले अधिकांश म्युचुअल फण्डको लगानी घाटामा, कुन फण्डसँग कति छ लगानीयोग्य रकम ?

Nov 14, 2019 05:52 PM

नेपालमा सञ्चालित अधिकांश म्युचुअल फण्डहरुको लगानी असोज महिनासम्ममा घाटामा गएको छ। म्युचुअल फण्ड सञ्चालन गर्ने योजना व्यवस्थापकको कमजोर व्यवस्थापनका कारण म्युचुअल फण्डको इकाईमा लगानी गर्ने अधिकांश लगानीकर्ताको सम्पत्ति घटेर प्रतिईकाई खुद सम्पत्ति मूल्य अंकित मूल्यभन्दा तल झरेको लगानीकर्ताहरु आरोप छ।