एनएमबी ओम मर्जर : डिडिएले स्वाप निर्धाण गर्ने, एनएमबीको शेयर कारोबार रोक्का

May 16, 2019 Merolagani

एनएमबी बैंकले ओम डेभलपमेण्ट बैंकसँगको मर्जरमा शेयर स्वापको विषयमा कुर्नै सम्झौता नभएको बताएको छ । राजधानीमा सार्वजनिक रुपमा मर्जर सम्झौता गर्दै दुवै बैंकले तत्काल डिडिए गरेर आउने नतिजा अनुसार स्वाप निर्धारण गर्ने बताएका हुन् ।

प्राइम कमर्सियल बैंकसँगको मर्जर प्रकृया तोडिए पछि एनएमबीमा जाने निष्कर्षमा ओम डेभलपमेण्ट बैंक पुगेको हो । मर्जरमा जाने सम्झौतामा एनएमबी बैंकका तर्फबाट प्रदीपराज पाण्डे र ओम डेभलपमेण्ट बैंकका तर्फबाट योगेन्द्रलाल श्रेष्ठले हस्ताक्षर गरे ।

सम्झौता पत्रमा हस्ताक्षर गर्दै गर्दा बैंकले शेयर आदान प्रदानका सम्बन्धमा डिडिएबाट आउने नतिजा अनुसार अघि बढ्ने प्रष्टोक्ती दियो । आइतबारबाट नै डिडिए प्रकृया अघि बढाएर छिटोभन्दा छिटो नतिजामा पुग्ने बैंकले प्रष्ट पारेको हो ।

विलय नभई मर्जरमा गएका कारण आगामी आईतबारदेखि नै एनएमबी बैंकको शेयर कारोबार रोक्का हुने बताइएको छ ।

एनएमबी बैंकका प्रमुख कार्यकारी अधिकृत सुनिल केसीले दुई संस्थाको मर्जरबाट एनएमबी अझै सबल अनि बलियो हुने विश्वास व्यक्त गरे । त्यसै गरी ओमका प्रमुख कार्यकारी अधिकृत विश्वमोहन अधिकारीले पनि मर्जर प्रकृया २ महिना भित्रमा पुरा गरी सबल बैंकका रुपमा अघि बढ्ने बताए ।

ओमले यस अघि घोषणा गरेको लाभांस बितरण गरे पछि कायम हुने चुक्ता पूँजीका आधारमा मर्जर हुने बताइएको छ । ओमले गत आर्थिक वर्षको मुनाफाबाट शेयरधनीलाई १२.७० प्रतिशत बोनस शेयर बितरण गर्ने प्रस्ताव गरिसकेको छ । अब बैंकले मर्जर प्रस्ताव सहित लाभांस पारित गर्न साधारण सभा आह्वान गर्नेछ ।

उता एनएमबी बैंकले भने गत आर्थिक वर्षको मुनाफाबाट १० प्रतिशत बोनस र २० प्रतिशत नगद लाभांस बितरण गरिसकेको छ ।

एनएमबी बैंकको चुक्ता पूँजी ९ अर्ब ६१ करोड रुपैयाँ छ भने ओमको २ अर्ब ५१ करोड ५२ लाख ३५ हजार रुपैयाँ छ । १२.७० प्रतिशत बोनस वितरणपछि ओमको चुक्ता पूँजी २ अर्ब ८३ करोड ४६ लाख ६९ हजार रुपैयाँ पुग्नेछ ।

ओमसँगको मर्जर पछि एनएमबिमा रहेको नेदरल्याण्ड्सको एफएमओको २० प्रतिशत स्वापमित्व घट्नेछ ।


comments powered by Disqus

सनराइज बैंकले दुई हस्पिटललाई पीपीई वितरण गर्यो

Apr 07, 2020 03:36 PM

सनराइज बैंक (SRBL) ले भक्तपुर क्यान्सर अस्तपताल र तिलगंगा आखाँ अस्पतालका डाक्टर तथा नर्सका लागि आवश्यक व्यक्तिगत सुरक्षात्मक उपकरण पीपीइ वितरण गरेको छ। कोरोना भाइरस (कोभिड–१९) महामारी फैलिएको र नेपालमा पनि केहि मानिसमा देखिएको अवस्थामा बैंकले पीपीई वितरण गरेको हो।