नाडेप लघुवित्तको प्रगतिमा अवरोध , खराब कर्जाको बोझ बढ्दै

May 19, 2019 Merolagani

नाडेप लघुवित्त (NADEP) ले चालु आर्थिक वर्षको तेस्रो त्रैमासमा नाफा दुई करोड ७७ लाख रुपैयाँले घटेको छ। गत वर्षको चैत मसान्तमा ४ करोड ४६ लाख रुपैयाँ खुद नाफा कमाएको लघुवित्तले समीक्षा अवधिमा एक करोड ६८ लाख रुपैयाँ नाफा गरेको छ ।

कर्मचारी खर्च र अन्य सञ्चालन खर्चमा वृद्धि हुँदा लघुवित्तको नाफा खस्किएको हो ।

यस त्रैमासमा लघुवित्तको जगेडा कोषमा सुधार भएको देखिन्छ । गत आर्थिक वर्षको यसै अवधिमा १५ करोड ५६ लाख रुपैयाँबाट बढेर २२ करोड ४८ लाख रुपैयाँ पुगेको छ । यो गत वर्षको तुलनामा ४४.४० प्रतिशले बढेको हो ।

लघुवित्तको चुक्ता पूँजी ३२ करोड रुपैयाँ छ । लघुवित्तले गत वर्षको मुनाफाबाट १५ प्रतिशत बोनस पनि वितरण गरेको छ । यद्यपि लघुवित्तले वित्तीय विवरणमा बोनस जोडेको छैन । उक्त बोनस शेयर पछि लघुवित्तको चुक्ता पूँजी ३६ करोड ८० लाख रुपैयाँ पुग्नेछ ।

चालु आवको चैत मसान्तसम्ममा एक अर्ब ५ करोड ६४ लाख रुपैयाँ निक्षेप संकलन गरेको लघुवित्तले दुई अर्ब १६ करोड ५० लाख रुपैयाँ अन्य बैंक तथा वित्तिय संस्था मार्फत ऋण गरेर तीन अर्ब ६९ करोड ६७ लाख रुपैयाँ कर्जा परिचालन गरेको छ ।

यस अवधिमा लघुवित्तले १८ करोड ७९ लाख रुपैयाँ खुद ब्याज आम्दानी गरेको छ । गत वर्षको यसै अवधिको तुलनामा लघुवित्तको खुद ब्याज आम्दानी १४ प्रतिशतले वृद्धि भएको हो । गत वर्ष लघुवित्तले १६ करोड ५३ लाख रुपैयाँ खुद ब्याज आम्दानी गरेको छ ।

लघुवित्तको निष्कृय कर्जा अनुपात पनि बढेको देखिन्छ। लघुवित्तको निष्कृय कर्जा २.२० प्रतिशतबाट बढेर ४.३८ प्रतिशत पुगेको छ । लघुवित्तको प्रतिशेयर आम्दानी ७ रुपैयाँ ३ पैसा छ।


comments powered by Disqus

लोडसेडिङको अन्त्य गरेर ‘वाहवाह’ कमाएका कुलमानको निरन्तरता कि बिकल्पको खोजी ?

Jul 04, 2020 07:20 PM
  • विष्णु बेल्बासे

लोडसेडिङको अन्त्य गरेर ‘वाहीवाही’ कमाएका नेपाल विद्युत प्राधिकरणका कार्यकारी निर्देशक कुलमान घिसिङको कार्यकाल भदौमा सकिदै छ । अहिले प्राधिकरण भित्र र बाहिर पनि घिसिङलाई नै अर्को चार वर्षका लागि प्राधिकरणको कार्यकारी निर्देशक बनाइने कि अर्कोलाई ल्याइन्छ भन्ने चर्चाले प्राथमिकता पाउन थालेको छ।