बीस दिनमा चार गुणाले बढ्यो बियन्ड बर्गरको शेयर

May 20, 2019 Merolagani

मासु बिनाको बर्गर बनाउँदै आएको वेगन मीट बियन्ड मीट कम्पनीको शेयर २० दिनमा चार गुणाले बढेको छ । १ मे मा २५ डलरभन्दा कम मूल्यमा कारोबार भएको शेयर बिहीबार ९२.९२ डलरमा कारोबार भएको हो ।

शेयरको मूल्य बढेसँगै साउथ बोस्टनमा रहेको कम्पनीको बजार मूल्य हाल ५ अर्ब ५५ करोड डलर पुगेको छ । यो गत वर्षको विक्रीको तुलनामा करिब ६० गुणा धेरै हो ।

शाकाहारी बर्गर बनाउने कम्पनी बियन्ड मीटको शेयर पहिलो दिनमा नै १६० प्रतिशतभन्दा धेरैले वृद्धि भएको थियो ।

लगानीकर्ताहरुले सार्वजनिक रुपमा सूचीबद्ध कम्पनीबाट मासुको स्वाद भएको शाकाहारी बर्गर बनाएर लोकप्रियता बढाउँदै लगेसँगै कम्पनीको शेयरमा उच्च वृद्धि देखिएको हो । अमेरिकामा उक्त बर्गर एकदमै लोकप्रिय रहेको छ ।

बियन्ड बर्गरका निर्माताले आफूले सुरुवाती बजार मूल्य प्रतिशेयर २५ डलर राखेको कम्पनीको बजार पूँजीकरण २ अर्ब ४० करोडले बढेको बताएका छन् ।

कम्पनीले १ अर्ब २० करोड बराबरको साधारण शेयर (आईपिओ) निकाल्ने तयारीमा रहेको बताएको छ ।

बियन्ड मीट एउटा प्लान्ट बेस्ड मीट कम्पनी हो । यो कम्पनीले मासु बिनाको बर्गर बेच्ने गर्दछ । तर त्यसलाई खाँदा साच्चैको मासुको जस्तै स्वाद पाइन्छ । यो कम्पनीको लक्ष्य खाद्य प्रणालीलाई ठीक गर्नु रहेको छ । कम्पनीले रुख विरुवाको नै प्रयोग गरेर मासु जस्तै स्वाद बनाउदै आइरहेको छ ।

 


comments powered by Disqus

नेप्सेमा सुचीकृत ८२ कम्पनीको कारोबार रोक्का, ठूला कम्पनीले नै तिर्दैनन् नविकरण शुल्क

Oct 18, 2019 06:00 PM

नेपाल स्टक एक्सचेन्जले ८२ कम्पनीको शेयर कारोबर रोक्का गरेको छ । नेप्सेमा सुचीकृत कम्पनीले बार्षिक रुपमा तिर्नुपर्ने नविकरण शुल्क नबुझाएपछि शेयर कारोबार रोक्का भएको हो ।