युनाईटेड फाइनान्सले मुत्तूट फाइनान्सलाई अंकित एक सय रुपैयाँमा ९० रुपैयाँ प्रिमियम थपगरी १९० रुपैयाँका दरले ३९ करोड ९० लाख रुपैयाँ बराबरमा २१ लाख कित्ता थप संस्थापक शेयर बिक्री गरेको थियो ।
फाइनान्सको २४ औं वार्षिक साधारण सभाले मुत्तुट फाइनान्सलाई संस्थापक शेयर जारी गर्ने सहित ५.२६ प्रतिशत नगद लाभांश वितरण गर्ने निर्णय गरेको थियो । साधारण सभा २०७५ कार्तिक ३० गते आम्रपाली बैंकेट भाटभटेनीमा भएको थियो ।
मुत्तुट फाइनान्सलाई २१ लाख कित्ता संस्थापक शेयर बिक्री गरे सँगै फाइनान्सको चुक्ता पूँजी ८० करोड ५ लाख रुपैयाँ बाट एक अर्ब एक करोड ५ लाख रुपैयाँ पुगेको छ ।
चालु आर्थिक वर्षको तेस्रो त्रैमासमा ५ करोड १२ लाख रुपैयाँ खुद नाफा कमाएको छ । फाइनान्सको प्रतिशेयर आम्दानी ६ रुपैयाँ ७६ पैसा छ भने प्रतिशेयर नेटवर्थ १४१ रुपैयाँ ७६ पैसा छ । मूल्य आम्दानी अनुपात २८.८४ गुणा छ ।
