अल्पकालिन लगानीकर्ताहरु अनेक हल्लाकावीच तत्काल पूँजीगत लाभ हुने कम्पनीहरुतर्फ आर्कषित भएको देखिएको छ ।
मंगलबार तारागाउँ रेजन्सी होटलको शेयर मूल्य सबैभन्दा धेरै सात प्रतिशतले उकालो लागेको छ । यस्तै गुराँस लघुवित्त, कन्काई विकास बैंक, गुहेश्वरी मर्चेन्ट फाइनान्स, कैलास विकास बेंक लगायतको शेयरमूल्य शेयर मूल्य बढेको छ ।
यसदिन जोशी हाइड्रोपावरको शेयरमूल्य सबैभन्दा धेरै ६.३८ प्रतिशतले घटेको छ । मल्टिपर्पस फाइनान्स, मितेरी डेभलपमेन्ट बैंक, मेरो माइक्रोफाइनान्स, मन्जुश्री फाइनान्स लगाएको शेयरमूल्य घटेको छ ।
मंगलबार कारोबारमा आएका १२ उप समुह मध्ये ४ समुहको सूचक मात्रै सकारात्मक देखिएको छ भने अन्य ८ समूहका सूचक राताम्मे बनेका छन् । सबै भन्दा धेरै उत्पादन तथा प्रशोधन समुहको सूचक ४१.०२ अंकले बढेको छ। यस्तै होटल ३२.६७, विकास बैंक २.४९, फाइनान्स ०.४ अंकले बढेका छन् ।
निर्जीवन बीमा कम्पनीको सूचक सबै भन्दा धेरै ५५.०३ अंकले घटेको छ । यस्तै जीवन बीमा माइक्रोफाइनान्स, अन्य समुहको सूचक ओरालो लागेका हुन् ।
यस दिन सबैभन्दा धेरै शिवम् सिमेन्टसको १२ करोड रुपैयाँको कारोबार भएको छ । दोस्रोमा प्रभु बैंकको ९ करोड ३३ लाख रुपैयाँको कारोबार भएको छ ।
मंगलबार नेप्से सूचक ३.५६ अंकले घटेर १२८९.२८ अंकमा झरेको छ। १७३ कम्पनीका २२ लाख ५२ हजार ५४६ कित्ता शेयर किनबेच भएर ७१ करोड ५४ लाख रुपैयाँ बराबरको कारोबार भयो । सोमबार ६९ करोड ८७ लाख रुपैयाँ बराबरको कारोबार भएको थियो ।
