एलआईसीले हितग्राही खातामै पठाउन थाल्यो बोनस, कागजी शेयर डिम्याट गर्न आग्रह

Jun 23, 2019 12:47 PM Merolagani

नेपाल लाईफ इन्स्योरेन्स कर्पोरेशन (LICN) ले आर्थिक वर्ष २०७३/०७४ को कमाइबाट शेयरधनीहरुलाई वितरण गर्ने निर्णय गरेको १२ प्रतिशत बोनस शेयर असार ५ गतेदेखि शेयरधनीको हितग्राही खातामा नै पठाउन थालेको छ।

कम्पनीले साधारण सभाका लागि शेयरधनी दर्ता पुस्तिका बन्द गरेको दिन फागुन २१ गते भन्दा अघिल्लो दिनसम्म कायम कम्पनीका शेयरधनीहरुलाई बोनस वितरण गर्न सुरु गरेको हो।

हालसम्म पनि शेयर अभौतिकिकरण नगरेका शेयरधनीहरुलाई बोनस पाउन शेयर अभौतिकिकरण गरी हितग्राही खातामा बैंक खाता अद्यावधिक गर्न आग्रह गरेको छ।

साथै कम्पनीले शेयर धितो कर्जा लिएका शेयरधनीहरुलाई सम्बन्धित कम्पनीबाट धितो राखेको शेयर संख्या समेत खुल्ने गरी कम्पनीको शेयर रजिष्ट्रारको कार्यालय नेपालएसबिआई मर्चेण्ट बैंकिङ्ग लिमिटेडमा नो अब्जेक्सन लेटर बुझाउन आग्रह गरेको छ ।

कम्पनीको २०७५ चैत ४ गते सम्पन्न १६ औ वार्षिक साधारणसभाले शेयरधनीहरुलाई १२ प्रतिशत बोनस र कर प्रयोजनको लागि ०.६३ प्रतिशत नगद वितरण गर्ने प्रस्ताव पारित गरेको थियो। १२ प्रतिशत बोनसपछि कम्पनीको पूँजी एक अर्ब ४९ करोड ४७ लाख रुपैयाँ पुगेको छ ।

कम्पनीले आर्थिक वर्ष २०७४।०७५को मुनाफाबाट चुक्ता पूँजी एक अर्ब ४९ करोड ४८ लाख ३८ हजार ८०० रुपैयाँको ३५.४६ प्रतिशत बोनस र ३५.७४ प्रतिशत नगद गरि कूल ७० प्रतिशत लाभांश वितरण गर्ने प्रस्ताव गरेको छ। जसको बुकक्लोज भएको छैन।


comments powered by Disqus

एचसिसीएनको क्षेत्रीय सम्मेलन काठमाण्डौमा सुरु, लगानी र आर्थिक कूटनीति विस्तारमा जोड

Nov 13, 2019 05:38 PM

अवैतनिक वाणिज्यदूतहरुको क्षेत्रीय सम्मेलन आजदेखि काठमाण्डौमा सुरु भएको छ। आर्थिक कूटनीतिको माध्यमबाट मुलुकको समृद्धिमा टेवा पु¥याउने यस सम्मेलनको मूख्य उद्देश्य रहेको छ।