कामना सेवा बैंकको लाभांश पारित

Jun 30, 2019 09:47 AM Merolagani



कामना सेवा विकास बैंक लिमिटेडको बाह्रौ वार्षिक साधारणसभा सम्पन्न भएको छ । असार १४ गते शनिबार सम्पन्न साधारणसभाले शेयरधनीहरुलाई ८ प्रतिशत नगद लाभांश र १.५ प्रतिशत बोनस शेयर गरि कूल ९.५० प्रतिशत लाभांश वितरण गर्ने प्रस्ताव पारित गरेको छ।

आर्थिक वर्ष २०७४/०७५ को मुनाफाबाट सञ्चालक समितिले प्रस्ताव गरेको २० करोड २ लाख १२ हजार ४४१ रुपैयाँ नगद लाभांश र ३ करोड ७५ लाख ३९ हजार ८३२ रुपैयाँ बराबरको शेयर लाभांश उक्त साधारण सभाले अनुमोदन गरेको हो। 

साधारण सभाका लागि जेठ ३१ गतेदेखि बुकक्लोज गरिएकाले जेठ ३० गतेसम्म कायम शेयरधनीले मात्रै साधारण सभाबाट पारित लाभांश पाउनेछन् ।

हाल २ अर्ब ५० करोड २६ लाख ५५ हजार ५१९ रुपैयाँ चुक्ता पूँजी रहेको बैंकको बोनसपश्चात २ अर्ब ५४ करोड १ लाख ९५ हजार ३५१ रुपैयाँ पूँजी पुगेको छ।




आठ दिनपछि आयाे सुनको मूल्य, कतिमा हुँदैछ कारोबार ?

Jul 11, 2025 11:30 AM

नेपाली बजारमा सुन र चाँदीको मूल्य आठ दिनपछि आएकाे छ । बिहीबार सरकारसँग ६ बुँदे सहमति भएपछि आज शुक्रबार सुनको मूल्य आएकाे हो । सुन चाँदी व्यवसायीहरुले गरेको आन्दोलन कारण गत असार १९ गते बिहीबारदेखि सुनको मूल्य आएको थिएन ।