कम्पनीको जेठ २४ गते सम्पन्न २२ औं वार्षिक साधारण सभाले गत वर्षको मुनाफाबाट शेयरधनीलाई १२.६३ प्रतिशत बराबरको २२ करोड ८३ लाख रुपैयाँ नगद लाभांश वितरण गर्ने निर्णय गरेको थियो।
सो लाभांश असार २२ गते आइतबारदेखि नेपाल क्लियरिङ्ग हाउसको आईपिएस प्रणाली मार्फत भुक्तानी हुने कम्पनीको शेयर रजिष्ट्रार सानिमा क्यापिटलले जनाएको छ ।
होटल्सले साधारण सभा प्रयोजनका लागि जेठ ३ गते शुक्रबार देखि शेयरधनी दर्ता किताब बन्द गरेकाले जेठ २ गतेसम्म कायम रहेका शेयरधनीले मात्रै होटल्सले वितरण गर्ने लाभांश पाउनेछन्।
साथै कम्पनीको लाभांश पाउन अझैसम्म शेयर अभौतिकिकरण नगराएका शेयरधनीलाई आफुसँग रहेको शेयर डिम्याट गर्न र हितग्राही खातामा बैंक खाता अद्यावधिक नगराएका शेयरधनीहरुलाई हितग्राही खातामा बैंक खाता अद्यावधिक गराउन समेत आग्रह गरेको छ।
