अमेजनमा लगानी गर्ने २५ हजार साना व्यापारी करोडपति बने, लगानीकर्तालाई हजार गुणा फाइदा

Jul 10, 2019 11:42 AM merolagani

अनलाइन बुक स्टोरबाट सुरूवात गरेको अमेजनले ५ जुलाईमा आफ्नो २५ वर्ष पुरा गरेको छ । घरको ग्यारेजबाट सुरू भएको अमेजन २५ वर्षमा १० खर्ब डलर पूँजीकरणका साथ विश्वकै दोस्रो सबैभन्दा ठूलो कम्पनी बनेको छ । यसका संस्थापक जेफ बेजोस विश्वकै धनी व्यक्ति रहेका छन् ।

अमेजनको प्लेटफर्ममा सामान बिक्री गर्ने २५ हजार भन्दा बढी बिक्रेता हालसम्म करोडपति बनिसकेका छन् । अमेजन हाल ई–कमर्श, इन्टरनेट, क्लाउड कम्प्युटिंग, भिडियो स्ट्रिमिङ तथा आर्टिफिशियल इन्टेलिजेन्सको क्षेत्रमा विश्वको सबैभन्दा ठूला कम्पनीहरूमध्येको एक रहेको छ ।

तीनजना कर्मचारीवाट शुरू भएको अमेजन हाल ६ लाख कर्मचारीका साथ अमेरिकाकै सबैभन्दा ठूलो रोजगारदाता कम्पनीका रूपमा रहेको छ । १९९७ मा पहिलो पटक कम्पनीको शेयर सार्वजनिक हुदाँ यसको एक शेयर मूल्य १.९६ डलर थियो ।

आज ९९१ गुणाले वृद्धि भएर अमेजनको प्रति शेयर मूल्य १९४२.९१ डलर पुगेको छ ।
टाइम म्यागेजिनले सन् १९९९ मा जेफ बेजेसलाई पर्सन अफ द ईयर र द किंग अफ साइबर कमर्शको उपाधि दिएको थियो । ३५ वर्षको उमेरमा यो पुरस्कार पाउने बेजोस चौथा युवा थिए । एजेन्सी


comments powered by Disqus

ब्राञ्चलेस बीमा सेवा सञ्चालन गर्ने बीमा समितिको तयारी, लघुबीमा प्राथमिकतामा

Dec 12, 2019 06:41 PM

बीमा समितिले शाखारहित घुम्ती बीमा सेवा सम्बन्धी मार्गदशर्न २०७६ जारी गर्ने तयारी गरेको छ। समितिले सर्वसाधारणमा सहज ढंगले न्यूनतम लागतमा घरदैलौमा नै बीमा सुविधा पुर्याउन मार्गदर्शन जारी गर्ने तयारी गरेको हो।