बीमा समितिले लागू गरेको एनएफआरएस प्रणाली अन्तर्गत कम्पनीले ठूलो रकम व्यवस्था तथा जगेडामा खर्चनुपर्ने भएपछि कम्पनीका शेयरधनीहरुको हात खाली हुने भएको हो।
शिखर इन्स्योरेन्स गत आर्थिक वर्ष २०७४/०७५ मा एनएफआरएस बमोजिमको वित्तीय विवरण अनुसार ४५ करोड ५५ लाख र बीमा समितिको वित्तीय विवरण सम्बन्धि निर्देशन अनुसारको वित्तिय विवरणमा ३९ करोड ९२ लाख खुद नाफा आर्जन गरेको थियो। एक अर्ब पाँच करोड चुक्ता पूँजी रहेको शिखर इन्स्योरेन्सको जगेडा कोषमा ४१ करोड ९ लाख छ सञ्चित छ।
साधारण सभामा कम्पनीले चुक्ता पूँजीको ३० प्रतिशत हकप्रद शेयर जारी गर्ने, बीमा समितिबाट बीमक कम्पनी गाम्ने गाभिने तथा प्राप्ती गर्ने सम्बन्धि निदेर्शिका जारी भएको अवस्थामा मर्जरको प्रकृयाका लागि आवश्यक सम्पूर्ण कार्य गर्ने तथा सञ्चालक समितिलाई सो कार्यका लागि पूर्ण अख्तियारी दिने एजेण्डा चौधौ वार्षिक साधारण सभामा मुख्य एजेण्डाको रुपमा लैजाँदैछ।
साथै कम्पनीले बीमकको संस्थागत सुशासन सम्बन्धि निर्देशकिा बमोजिम कम्पनीको नियमावलीको नियम १२ संसोधन गरि ७ सदस्यीय सञ्चालक कायम गर्ने भएको छ। जसमा संस्थापक समूहबाट ४, सर्वसाधारण २ र एक स्वतन्त्र सञ्चालक रहनेछन् ।
कम्पनीले साधारण सभा प्रयोजनका लागि साउन १५ गतेदेखि बुकक्लोज गर्ने भएको छ। यसअनुसार साउन १४ गतेसम्म कायम शेयरधनीहरु साधारण सभामा सहभागिता जनाउन सक्नेछन्।
