सबैको लघुवित्तको आईपीओ शुक्रबार बिहान बाँडफाँड हुने, ४९ हजार ५२५ लाई दश कित्ता

Jul 25, 2019 06:09 PM Merolagani

सबैको लघुवित्तले सर्बसाधारणमा बिक्री गरेको ५ लाख कित्ता आईपीओ साउन १० गते शुक्रबार बिहान १० बजे बाँडफाँड हुने भएको छ। बिक्री प्रबन्धक एनआईबिएल एस क्यापिटलको अनुसार क्यापिटलको कार्यालय लाजिम्पाटमा लघुवित्तको आईपीओ बाँडफाँड हुने भएको हो।

धितोपत्र निष्काशन तथा बाँडफाँड निर्देशिका अनुसार ४९ हजार ५२५ जनाले मात्रै गोलाप्रथाबाट १० कित्ताका दरले आईपीओ शेयर पाउनेछन् ।

सबैको लघुवित्त वित्तीय संस्थाले बिक्रीमा ल्याएको प्राथमिक शेयरमा ११.४८ गुणा बढी आवेदन परेको छ ।

कम्पनीको आईपीओमा ३ लाख ३ हजार २०८ आवेदनबाट ५६ करोड ८९ लाख ८३ हजार रुपैयाँ बराबरको ५६ लाख ८९ हजार ८३० कित्ता शेयर खरीदको लागि आवेदन परेको एनआईबिएल एस क्यापिटलले जनाएको छ।

लघुवित्तले साउन १ देखि ५ गतेसम्म ५ लाख ३० हजार कित्ता आईपीओ निष्कासन गरेको थियो । त्यसमध्ये कम्पनीले ८ हजार २५० कित्ता शेयर लघुुवित्तका कर्मचारीहरु तथा २६ हजार ५०० कित्ता शेयर सामूहिक लगानी कोषका लागि सुरक्षित गरिएको छ भने बाँकी ४ लाख ९५ हजार २५० कित्ता शेयर सर्वसाधारणमा बाँडफाँड गरिने छ ।

लघुवित्तको आईपीओमा आश्वा सदस्यता नवीकरण नगर्ने तिनाउ विकासबाट आवेदन गरिएको आवेदन समेत सदर हुने भएको छ। यसअघि आस्वा सदस्यता नवीकरण नगरेका बैंक तथा वित्तिय संस्थाबाट आएको आवेदन के गर्ने भन्ने विषयमा अन्यौल सृजना भएको थियो जसको कारण आईपीओ बाँडफाँड गर्न केहि ढिला भएको हो। बैंकले आस्वा सदस्य नवीकरण गरेपछि बैंकबाट परेको आवेदनलाई मान्यता दिइएको हो। 

आईपीओ बाँडफाँडपछि लघुवित्त कम्पनीको चुक्ता पूँजी १६ करोड ५० लाख रुपैयाँ पुग्नेछ। लघुवित्तमा संस्थापकतर्फको ७० प्रतिशत बराबरको ११ करोड २० लाख रुपैयाँ चुक्ता पूँजी कायम छ।


comments powered by Disqus

एभरेष्ट बैंकको प्रमुख कार्यकारी अधिकृतले सम्हाले कार्यभार

Oct 17, 2019 05:49 PM

एभरेष्ट बैंक (EBL) को प्रमुख कार्यकारी अधिकृत (सीइओ) को कार्यभार गजेन्दर कुमार नेगीले कार्यभार सम्हालेका छन्। नव नियुक्त सीईओ नेगीले असोज ३० गते बिहीबार देखि कार्यभार सम्हालेका हुन् ।