अघिल्लो वर्ष १ करोड १० लाख रुपैयाा खुद नाफा कमाएको कम्पनीले गत आर्थिक बर्षमा ३ करोड ९१ लाख ७९ हजार रुपैयाँ खुद नाफा कमाएको छ। अघिल्लो बर्षको तुलनामा कम्पनीको खुद नाफा २ करोड ८० लाख रुपैयाँले बढेको हो।
त्यस्तै लघुवित्तले खुद ब्याज आम्दानी र सञ्चालन नाफामा पनि आकर्षक बृद्धि गरेको छ। कम्पनीले खुद ब्याज आम्दानी ८८.९४ प्रतिशतले बढाएको छ भने सञ्चालन नाफा १८६.९५ प्रतिशतले बढाएको छ ।
कम्पनीले समिक्षा अवधिमा रिजर्भ कोष ३ करोड ८८ लाख रुपैयाँले बढाएर मजबुद बनाउदै लगेको छ। अघिल्लो वर्ष ७६ हजार रुपैयाँ मात्रै रहेको रिजर्भ कोष यस बर्ष बढेर ३ करोड ८९ लाख ५० हजार रुपैयाँ पुगेको छ। त्यसैगरी कम्पनीले चुक्ता पुँजी पनि १४ करोड रुपैयाँबाट बढाएर २० करोड ७४ लाख रुपैयाँ पुर्याएको छ।
गत आर्थिक बर्षको १२ महिनाको अवधिमा लघुवित्तले ४९ करोड ७६ लाख रुपैयाँ निक्षेप संकलन गरी १ अर्ब ८९ करोड २६ लाख रुपैयाँ कर्जा लगानी ग।रेको छ। अघिल्लो वर्ष कम्पनीले २५ करोड ७२ लाख रुपैयाँ निक्षेप संकलन गरी १ अर्ब २७ करोड ५३ लाख रुपैयाँ कर्जा लगानी गरेको थियो ।
त्यस्तै कम्पनीको खराब कर्जा अनुपात भने बढेको छ । अघिल्लो बर्ष ०.७८ प्रतिशत रहेको खराब कर्जा गत बर्ष बढेर १.४९ प्रतिशत पुगेको छ।
चौथो त्रैमाससम्ममा यसको प्रतिसेयर आम्दानी १८ रुपैयाँ ८९ पैसा र प्रतिसेयर नेटवर्थ ११८ रुपैयाँ ७८ पैसा र मुल्य आम्दानी अनुपात २०.९१ गुणा छ।