माइक्रोसफ्ट, एप्पल, अमेजन, अल्फाबेट र फेसबुक जस्ता ५ ठूला प्रविधि कम्पनीको शेयरमा ३ प्रतिशतको गिरावटका कारण कुल बजार पूँजीकरण घटेको हो । अमेरिकी शेयर बजारमा यो वर्ष देखिएको यो सबैभन्दा ठूलो गिरावट हो ।
चीनको आयातित सामानमा नयाँ शुल्क लागेसँगै एप्पलको उत्पादन पनि प्रभावित हुने विश्लेषकहरुले बताएका छन् ।
अमेरिकी राष्ट्रपति डोनाल्ड ट्रम्पले गत हप्ता चीनबाट आयात हुने ३०० अर्ब डलरको सामानमा सेप्टेम्बर १ देखि लागू हुने गरेर १० प्रतिशत अतिरिक्त शुल्क लगाउने घोषणा गरेका थिए । योसँग विश्वका दुई ठूला अर्थतन्त्र भएका देशका बीच व्यापार युद्धको स्थिति बिग्रदै गएको बताइएको छ । एजेन्सी