कम्पनीले अघिल्लो बर्ष भन्दा गत बर्ष खुद नाफा ७५.४५ प्रतिशतले बढाएर २९ करोडबाट ५१ करोड ४९ लाख नघाएको हो । उत्पादन बिक्रीबाट भएको आम्दानीमा बढोत्तरी भएपछि कम्पनीको खुद नाफा बढेको चौथो त्रैमासको बित्तीय विवरणमा देखाईएको छ । अहिले प्रतिकित्ता १५४४ रुपैयाँ शेयर मूल्य रहेको कम्पनीको मूल्य आम्दानी अनुपात १२ गुणा हाराहारीमा हुन आउँछ भने प्रतिशेयर नेटर्व २५० रुपैयाँ छ ।
मदिराजन्य पेय पदार्थ उत्पादन गरेर बिक्री वितरण गर्दै आएको कम्पनीको शेयरधनी कोषमा ९३ करोड भन्दा बढी छ । कम्पनीमा केही समय अघि संस्थागत सुशासनको समस्या देखिएकोमा अहिले त्यसमा केही सुधार आएको संकेत मिलेको छ ।