नेपाल इन्स्योरेन्सको साढे सात प्रतिशत लाभांश पारित

Aug 25, 2019 03:45 PM Merolagani



नेपाल इन्स्योरेन्स (NICL) ले आर्थिक वर्ष २०७४/७५ को मुनाफाबाट घोषणा गरेको लाभांश पारित भएको छ। भदौ ८ गते आइतबार सम्पन्न इन्स्योरेन्सको ७० औं वार्षिक साधारणसभाले लाभांश सहित मर्जर तथा एक्वीजिशनमा जाने एजेण्डा परित गरेको हो ।

चुक्ता पूँजी १ अर्ब १ करोड ९१ लाख रुपैयाँको ७.५ प्रतिशत बराबरको बोनस शेयर वितरण गर्ने प्रस्ताव साधारण सभाबाट पारित भएको हो ।

बीमा समितिको निर्देशन अनुसार न्युनतम चूक्ता पूँजी पुर्यासकेको इन्स्योरेन्सले बोनस वितरण पछि एक अर्ब ९ करोड ५५ लाख रुपैयाँ पुग्नेछ । बोनसमा कर प्रयोजनको लागि ४० लाख २२ हजार रुपैयाँ प्रस्ताव गरेपनि बीमा समितिले अस्वीकृत गरेपछि सो कर भने शेयरधनी आफैँले ब्योहोर्नुपर्नेछ ।

यस्तै साधारण सभाले निर्जीवन बीमा व्यवसाय गर्ने उपयुक्त कम्पनीसँग गाभ्ने, गाभिने वा प्राप्ती गर्ने सम्बन्धी विषयमा निर्णय गर्ने सम्पूण अधिकार सञ्चालक समितिलाई प्रदान गर्ने प्रस्ताव पनि पारित गरेको छ ।

गत आर्थिक वर्षको चौथो त्रैमास सम्ममा इन्स्योरेन्सले ५८ करोड १९ लाख रुपैयाँ खुद बीमा शुल्क आर्जन गरी १८ करोड ५ लाख रुपैयाँ खुद नाफा कमाएको छ ।

यस अवधि सम्ममा इन्स्योरेन्सको प्रतिशेयर आम्दानी वार्षिक १७ रुपैयाँ ७२ पैसा, प्रतिशेयर नेटवर्थ १६४ रुपैयाँ २७ र मूल्य आम्दानी अनुपात १९.९८ गुणा बढी छ ।




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।