लघुवित्तको भदौ १३ गते शुक्रबार बसेको सञ्चालक समितिको बैठकले शेयरधनीहरुलाई चुक्ता पूँजीको १५ प्रतिशत बोनस शेयर र कर प्रयोजन समेत गरी ५.७९ प्रतिशत नगद लाभांश वितरण गर्ने निर्णय गरेको हो ।
प्रस्तावित लाभांश नेपाल राष्ट्र बैंकबाट स्विकृत भइ आगामी साधारणसभाले अनुमोदन गरेपछि मात्र शेयरधनीहरुले प्राप्त गर्नेछन ।
गत आर्थिक बर्षको चौथो त्रैमासको वित्तिय विवरण अनुसार हाल लघुवित्तको चुक्ता पूँजी ३९ करोड ७६ लाख रुपैयाँ छ । उसले चौथो त्रैमास सम्ममा १२ करोड ६८ लाख खुद नाफा कमाएर प्रतिशेयर आम्दानी वार्षिक ३१ रुपैयाँ ९० पैसा कायम गरेको छ ।
