बैंकास्योरेन्स बन्द नगराैं, नियमनकाे दायरामा ल्याऔं : बीमा समिति अध्यक्ष

Sep 19, 2019 03:49 PM Merolagani

बीमा समितिका अध्यक्ष चिरन्जीवि चापाँगाईले बैंकास्योरेन्स सेवा बन्द गर्न नहुने बताएका छन् । माैद्रिक नीतिपछि जारी  निर्देशिकाले बैंकास्योरेन्स बन्द भएकाेमा उनले असन्तुष्टि जनाएका छन् । उनले राष्ट्रबैंकले क्षेत्राधिकार नाघेर  बन्द गराएकाे संकेत दिएका छन् ।

आइवीएन मिडियाले काठमाडौंमा आयोजना गरेको बीमा सेवाको विस्तारबारे अर्न्तकृया कार्यक्रममा उनले भने, ‘हामीले बैंकास्योरेन्सको पुरै ढोका बन्द गर्न हुदैन । यसलाई नियमनकाे दायरा भित्र ल्याउनु पर्छ । इन्स्योरेन्स कम्पनीहरुलाई हामीले गर्नुपर्ने नियमन हामी गर्छौ, बैंकहरुलाई गर्नुपर्ने नियमन राष्ट्र बैंकले गर्नुपर्छ ।’

राष्ट्र बैंकले मौद्रिक नीति जारी गरेपछि बैंकास्योरेन्स सेवा बन्द रहेको छ । बैंकास्योरेन्सको नाममा बैंकका कर्मचारीहरुलाई बीमा टार्गेट दिएको भएर राष्ट्र बैंकले यो व्यवस्था मौद्रिक नीति मार्फत बन्द गरेकाे हो ।


मौद्रिक नीति जारी भइसकेपछि यस विषयमा अर्थमन्त्रीको संयोजकत्वमा हुने उच्चस्तरीय बैठक नभएको अध्यक्ष चापाँगाईले जानकारी दिए । तर उनले राष्ट्रबैंका गर्भनरसँग भने कुरा भएको स्वीकारे ।
उनले भने, ‘बैंकास्योरेन्स सेवा खुलाउने बारे मेरो गर्भनरसंग कुरा भएको थियो । बैंकको शाखा पिच्छे इन्साेरेन्सकाे लक्ष्य दिएपछि बैंकका कर्मचारीहरु इन्स्योरेन्सको लक्ष्य पुर्याउने तर्फ केन्द्रित भएको राष्ट्र बैंकको गुनासो छ ।

बैंकलाई केन्द्रीय तहमा इन्स्योरेन्स विभाग जस्तो व्यवस्था गुर्नपर्ने र एउटा बैंकसंग एउटा बीमा कम्पनीले मात्रै सहकार्य गर्न मिल्नेगरी जानु पर्ने व्यवस्था गर्न हामीले सुझाव दिएको छौं ।’ उनले भने ।

comments powered by Disqus

कतारका राजा थानीका ३ श्रीमती र १३ सन्तान,समुन्द्रमा तैरिने महलका मालिककाे कति छ सम्पत्ति ?

Apr 23, 2024 03:24 PM

कतारका राजा (अमिर) शेख तमिम बिन हमाद अल थानी आज नेपाल आउँदै छन् । शेख तमिम इब्न हमाद अल थानी कतारका शासक र धनाढ्य हुन् । यसका साथै उनी अरबका सबैभन्दा धनी व्यक्तिहरू मध्येका एक  हुन्।