अघिल्लो आवमा २ करोड ५९ लाख रुपैयाँ खुद नाफा आर्जन गरेको लघुवित्तले गत आर्थिक वर्षको चौंथो त्रैमाससम्ममा २ करोड ७ लाख रुपैयाँ मात्र खुद नाफा आर्जन गरेको छ।
चुक्ता पूँजी १० करोड ८० लाख रुपैयाँ रहेको लघुवित्तको जगेडा कोषमा ६ करोड ७७ लाख रुपैयाँ सञ्चित छ।
यस अवधिमा लघुवित्तले ७२ करोड ६६ लाख निक्षेप संकलन र एक अर्ब २ करोड ७५ लाख सापटीबाट एक अर्ब ८१ करोड ३५ लाख रुपैयाँ बराबरको कर्जा परिचालन गरेको छ।
चौथो त्रैमाससम्म लघुवित्तले १३ करोड ४६ लाख रुपैयाँ खुद ब्याज आम्दानी गरेको छ। यो अघिल्लो आवको तुलनामा ४३.८० प्रतिशतले धेरै हो। अघिल्लो आवमा लघुवित्तले ९ करोड ३६ लाख रुपैयाँ खुद ब्याज आम्दानी गरेको थियो।
२०७६ असार मसान्तसम्ममा लघुवित्तको निष्क्रिय कर्जा अनुपात १.६० प्रतिशत छ। प्रतिशेयर आम्दानी १९ रुपैयाँ २५ पैसा रहेको लघुवित्तको प्रतिशेयर नेटवर्थ १६२ रुपैयाँ ६९ पैसा र मूल्य आम्दानी अनुपात ३६.३१ छ ।
कालिका लघुवित्तले जनसेवी लघुवित्तसँग गत जेठ ५ गते एक आपसमा गाभ्ने गाभिने सम्झौता गरिसकेको छ। जसका कारण लघुवित्तको शेयर कारोबार हाल रोक्का रहेको छ । दुई लघुवित्तले राष्ट्र बैंकबाट अन्तिम स्वीकृति पाएसँगै एकीकृत कारोबार थाल्नेछन्।
उता जनसेवी लघुवित्तले गत बैशाख २७ देखि ३१ गतेसम्म आईपीओ जारी गरेर जेठ ६ गते बाँडफाँड गरेपनि मर्जरका सम्झौताका कारण कालिका लघुवित्तका नाममा सूचीकरण गरि कारोबार खुल्नेछ।