शुक्रबार छापावाला सुन प्रतितोला ७१ हजार रुपैयाँमा कारोबार भइरहेको छ भने तोजावी सुन प्रतितोला ७० हजार ७०० रुपैयाँमा कारोबार भइरहेको नेपाल सुनचाँदी महासंघले जनाएको छ ।
अघिल्लो दिन बिहिबार तोलामा ६०० रुपैयाँले घटेर ७० हजार ७०० रुपैयाँमा झरेको सुनको मूल्य शुक्रबार फेरि बढेको हो । गत साउन सुरुवातदेखि नै लगातार बढेर ७३ हजार ५०० रुपैयाँसम्म पुगेको सुनको भाउ पछिल्लो समय भने केहि घट्न थालेको थियो ।
भदौ १८ गते हालसम्मकै उच्च मूल्य ७३ हजार ५०० रुपैयाँमा कारोबार भएको सूनको मूल्य त्यस यता २ हजार ५०० रुपैयाँले घटिसकेको छ ।
सुनको मूल्य घटेपनि कारोबार भने धेरै नबढेको सुन व्यवसायीहरु बताउछन्। सुनको मूल्य उच्चरूपले बढ्दा सुन कारोबार ठप्प जस्तै भएको थियो ।
शुक्रबार चाँदीको भाउमा पनि बृद्धि भएको छ। चाँदीको मूल्य अघिल्लो दिनको तुलनामा तोलामा ५ रुपैयाँले बढेर प्रतितोला ८६० रुपैयाँमा कारोबार भइरहेको महासंघले जनाएको छ ।