कर्पाेरेट ट्याक्समा छुट दिने निर्णयसँगै भारतीय शेयर बजारमा उछाल, सेन्सेक्समा १९०० भन्दा धेरैकाे बढोत्तरी

Sep 20, 2019 02:24 PM Merolagani

भारतीय अर्थमन्त्री निर्मला सीतारमणले घरेलु कम्पनीमा लाग्ने कर्पाेरेट ट्याक्समा छुट दिने घोषणा गरेसँगै भारतीय शेयर बजारमा उछाल देखिएको छ ।

अर्थमन्त्री सीतारमणले देशको आर्थिक वृद्धि बढाउनका लागि गरेको उक्त महत्वपूर्ण घोषणासँगै भारतीय शेयर बजारमा उछाल देखिएको हो ।

कारोबारका क्रममा करिब २ बजेतिर भारतीय शेयर बजार सूचक सेन्सेक्स १९५१ अंकको बढोत्तरीका साथ ३८०४५.१६ को बिन्दुमा पुगेको छ । उता निफ्टी ५५० भन्दा धेरै अंकको बढोत्तरीका साथ ११२७२.८० बिन्दु छोएको छ ।

सेन्सेक्समा सूचीकृत सबै कम्पनीको र निफ्टीमा सूचीकृत ४९ कम्पनीको शेयरमा उच्च बढोत्तरी देखिएको भाररतीय सञ्चार माध्यमले जनाएका छन् ।

भारतीय शेयर बजारमा यो ४ महिना अर्थात् २० मे पछिको तीव्र वृद्धि देखिएको हो । १९ मेमा लोकसभा चुनावको नतिजा सार्वजनिक भएसँगै शेयर बजारले उच्च बिन्दु पार गरेको थियो ।


comments powered by Disqus

लकडाउनको असरः दर्जनबढी कम्पनीको साधारणसभा रोकियो, हकप्रद र आइपीओ जारी गर्नै पाएनन्

May 31, 2020 07:12 PM

रविन पाैडेल

कोरोना भाइरसको असर न्यूनिकरणको लागि सरकारले गत चैत ११ गतेदेखि देश नै लकडाउन गरेको छ। लकडाउनको कारण अहिले आर्थिक गतिविधिहरु ठप्प भएका छन् भने पूँजी बजारमा पनि यसले ठूलो प्रभाव पारेको छ।