अमेरिकी विदेशमन्त्री माइक पोम्पिओले अमेरिकाको प्रतिबन्दका बाबजुद ईरानसँग तेल खरिद गरिरहेका चिनियाँ कम्पनीमाथि नयाँ प्रतिबन्ध लगाउने निर्णय भएको बताए । चीनसहित सबै मुलुकलाई इरानी प्रतिबन्ध उल्लंघन नगर्न सचेत गराएको पोम्पिओले बताए ।
चीनले भने अमेरिकाको यो निर्णयको विरोध गरेको छ । अहिले चीन र अमेरिकाबीच व्यापारयुद्ध पनि जारी छ । विश्वका सबैभन्दा ठूलो अर्थव्यवस्था रहेको यि दुई देशका बीच जारी व्यापार युद्धले विश्व अर्थतन्त्रमा नै प्रभाव पारिरहेको बताइएको छ ।
अमेरिका र ईरानका बीच वार्ता सुरु गराउनका लागि यूरोपले लगातार प्रयास जारी राखेको छ । तर अमेरिका यस मामलामा झन् दबाब बढाइरहेको छ ।
सेप्टेम्बर १४ मा साउदीको तेल उद्योगमा भएको आक्रमणपछि अमेरिकाले इरानमाथि दबाब बढाउँदै आएको छ । यो आक्रमणमा इरानको भूमिका रहेको अमेरिकाले दाबी गर्दै आएको छ । एजेन्सी
