आइएमई जनरल इन्स्योरेन्सको बोनस सूचीकृत

Oct 01, 2019 03:45 PM Merolagani

आइएमई जनरल इन्स्योरेन्स आर्थिक वर्ष २०७४/०७५ को मुनाफाबाट शेयरधनीलाई वितरण गरेको ४ लाख ८६ हजार कित्ता बोनस शेयर धितोपत्र बजारमा सूचीकृत भएको छ। कम्पनीले असोज १४ गते सो शेयर नेप्सेमा कारोबारका लागि सूचीकरण गरेको हो।

इन्स्योरेन्सले अघिल्लो आर्थिक वर्षमा चुक्ता पूँजी ९७ करोड २० लाख रुपैयाँको ५ प्रतिशत अर्थात चार करोड ८६ लाख रुपैयाँ बराबरको ४ लाख ८६ हजार कित्ता बोनस शेयर वितरण गरेको थियो सोही शेयर मंगलबार नेप्सेमा सूचीकृत भएको हो।

सूचीकरण पश्चात उक्त बोनस शेयर दोस्रो बजारमा खरीद बिक्री गर्न योग्य भएको छ। कम्पनीको २०७६ असार २९ गते सम्पन्न २१ औं वार्षिक साधारण सभाबाट उक्त बोनस शेयर अनुमोदन भएको थियो। 

चुक्ता पूँजी ९७ करोड ३० लाख रुपैयाँ रहेको इन्स्योरेन्सको बोनस पश्चात पूँजी १ अर्ब २ करोड रुपैयाँ पुगेको छ।

इन्स्योरेन्सले बोनस वितरण तथा साधारण सभा प्रयोजनको लागि असार १५ गतेदेखि शेयरधनी दर्ता किताब बन्द गरेकाले असार १४ गतेसम्म कायम भएका शेयरधनीहरुले मात्र कम्पनीको बोनस शेयर डिम्याट खातामा प्राप्त गर्नेछन्।

कम्पनीले उक्त बोनस शेयरका लागि नगद लाभांश वितरण नगरेकाले शेयरधनीले बोनस शेयरमा लाग्ने कर रकम सिद्धार्थ बैंकको खाता नम्बर ०३३१५०४७८९१ मा जम्मा गरि उक्त भौचर इन्स्योरेन्सको शेयर रजिष्ट्रार ग्लोबल आईएमई क्यापिटलमा इमेल पठाए पश्चात मात्र शेयरधनीले उक्त लाभांश पाउनेछन्। 


comments powered by Disqus

मेगा बैंकको लिलामी शेयरमा आजदेखि आवेदन दिन सकिने

Sep 27, 2020 07:12 AM

मेगा बैंक (MEGA) ले लिलामीमार्फत बिक्रीमा ल्याएको शेयर खरिदका लागि आज (असोज ११ गते) देखि आवेदन दिन सकिने भएको छ। बैंकले हकप्रदमा बिक्री नभएका १८ लाख ४० हजार कित्ता शेयर लिलामी मार्फत बिक्री गर्न लागेको हो।