मिथिला लघुवित्तको नाफामा सुधार, जगेडा कोष १४५ प्रतिशतले बढ्यो

Nov 10, 2019 12:36 PM Merolagani

मिथिला लघुवित्त वित्तीय संस्था (MLBBL) ले चालु आर्थिक वर्षको पहिलो त्रैमासमा ४६ लाख २ हजार रुपैयाँ खुद नाफा आर्जन गरेको छ। यो  नाफा गत आवको सोही अवधिको तुलनामा २९.६३ प्रतिशतले धेरै हो ।

गत आवमा लघुवित्तले ३५ लाख ५० हजार रुपैयाँ खुद नाफा आर्जन गरेको थियो ।

हकप्रद बिक्रीबाट चुक्ता पूँजी ५० प्रतिशतले बढाएर ९ करोड ८९ लाख रुपैयाँ पुर्याएको लघुवित्तले जगेडा कोष १४५.४२ प्रतिशतले सुधार गर्दै ६ करोड ३४ लाख रुपैयाँ सञ्चित गरेको छ । गत आवको प्रथम त्रैमासमा लघुवित्तको जगेडा कोषमा २ करोड ५८ लाख सञ्चित रहेको थियो।

यस अवधिमा लघुवित्तले २८ करोड १७ लाख निक्षेप संकलन र ७२ करोड ३२ लाख रुपैयाँ सापटी लिएर एक अर्ब २ करोड ५९ लाख रुपैयाँ बराबरको कर्जा परिचालन गरेको छ । 

लघुवित्तले निक्षेप संकलन ४७.५० प्रतिशत, कर्जा ५२ प्रतिशतले बढाएको हो ।

यस अवधिमा लघुवित्तले एक करोड ८८ लाख रुपैयाँ खुद ब्याज आम्दानी गरेको छ। यो गत वर्षको सोही अवधिको तुलनामा ४२.६० प्रतिशतले धेरै हो । गत आवमा लघुवित्तले एक करोड ३१ लाख रुपैयाँ खुद ब्याज आम्दानी गरेको थियो ।

लघुवित्तको निष्क्रिय कर्जा अनुपात २.५२ बाट बढेर ३.५० प्रतिशत पुगेको छ।

प्रतिशेयर आम्दानी १८ रुपैयाँ ६० पैसा रहेको लघुवित्तको प्रतिशेयर नेटवर्थ १६४ रुपैयाँ १६ पैसा र मूल्य आम्दानी अनुपात २३.८२ गुणा छ।


comments powered by Disqus

पूर्व सीईओ ढकाल बने मुक्तिनाथ विकास बैंकको अध्यक्ष

Dec 16, 2019 07:11 PM

मुक्तिनाथ विकास बैंक (MNBBL) का पूर्व सीईओ भरतराज ढकाल मंसिर ३० गते पोखरामा सम्पन्न तेह्रौं वार्षिक साधारण सभाबाट बैंकको अध्यक्ष चयन भएका छन्। बैंक तथा वित्तीय संस्थाका प्रमुख कार्यकारी सञ्चालक बन्ने लहर चल्दै गर्दा ढकाल पनि अध्यक्ष बनेका हुन्।