यस दिन नेप्सेमा प्रकाशित फ्लोरसिट अनुसार डिष्टिलरीको एक हजार ८६६ रुपैयाँमा पहिलो ५० कित्ता भएको छ।
नियम अनुसार कुनै पनि कम्पनीको शेयर मूल्य प्रि ओपनिङ्गमा ५ प्रतिशतसम्म र बजार खुलिसकेपछि २ प्रतिशतसम्म बढाएर खरिदबिक्री गर्न सकिन्छ। तर, हिमालयन डिष्टिलरीको रेञ्जभन्दा ४ प्रतिशत माथि पहिलो कारोबार भएको हो।
सोमबारको अन्तिम कारोबार मूल्य एक हजार ७१० को ५ प्रतिशत ८५ रुपैयाँ ५० पैसा हुन्छ । यस हिसाबमा प्रि ओपनिङ्गमा एक हजार ७९५ रुपैयाँ ५० पैसा सम्म खरिदबिक्री हुनुपथ्र्यो। तर, कम्पनीको ७१ रुपैयाँ धेरैमा कारोबार भएको हो।
कारोबार खुलेको १ घण्टा अवधिमा कम्पनीको साढे १७ हजार कित्ता शेयर ३ करोड १५ लाखमा कारोबार भएको छ।
यसका साथै यस दिनको मार्केट डेप्थमा कम्पनीको शेयर खरिदबिक्रीका शिर्ष ५–५ आदेश देखिएपनि कूल खरिदबिक्री आदेश र मूल्य अन्तर देखिएको छैन।
यसले नेप्सेको कारोबार प्रणालीमा अझ सुधार गर्नुपर्ने कुरा औँल्याउँछ। नेप्सेले पछिल्लो समयमा कारोबारमा प्रणालीमा देखिने गरेको समस्याहरु समाधान भएको दाबी गरिरहेपनि समस्या अझै यथावत नै देखिन्छ।
