गत वर्षको पहिलो त्रैमासमा बैंकले २७ करोड ४० लाख रुपैयाँ खुद नाफा कमाएको थियो।
यस अवधिमा बैंकले १८ करोड ७ लाख रुपैयाँ वितरण योग्य नाफा आर्जन गरेको छ। यस्तै बैंकको रिटेन्ड अर्निङ्ग ६२.३३ प्रतिशतले बढेर ४७ करोड ८ लाख रुपैयाँ कायम छ।
बैंकले चालू आर्थिक वर्षको पहिलो त्रैमासमा ६१ अर्ब २४ करोड ९८ लाख रुपैयाँ निक्षेप संकलन गरी ५८ अर्ब ५४ करोड ९२ लाख रुपैयाँ बराबरको कर्जा प्रवाह गरेको छ।
यस अवधिमा बैंकले १.६१ प्रतिशतले निक्षेप संकलन गर्दा कर्जा विस्तार २.८४ प्रतिशतले बढाएको छ। गत आर्थिक वर्षको पहिलो त्रैमासमा बैंकले ६० अर्ब २७ करोड ६४ लाख रुपैयाँ निक्षेप संकलन गरेर ५८ अर्ब ५४ करोड ९२ लाख रुपैयाँ कर्जा परिचालन गरेको थियो।
यस अवधिको बैंकको खुद ब्याज आम्दानी गत आवको असोज सम्मको तुलनामा ११.४७ प्रतिशत अर्थात ८ करोड ३ लाख रुपैयाँले बढेर ७८ करोड ४ लाख रुपैयाँ पुगेको छ। गत आर्थिक वर्षको यस अवधिमा बैंकले ७० करोड रुपैयाँ खुद व्याज आम्दानी गरेको थियो।
यस अवधिमा बैंकको खुद सञ्चालन नाफा ७८ करोड ७३ लाख बढेर ९३ करोड रुपैयाँ पुगेको छ।
चुक्ता पूँजी ८ अर्ब ४१ करोड ५४ लाख रहेको बैंकको जगेडा कोषमा एक अर्ब २८ करोड ६० लाख रुपैयाँ संचित छ।
बैंकको प्रतिशेयर आम्दानीमा समेत बढेको छ। गत वर्षको पहिलो त्रैमासमा १३ रुपैयाँ ५९ पैसा रहेको प्रतिशेयर आम्दानी यस अवधिमा ४ रुपैयाँ ०४ पैसाले बढेर १७ रुपैयाँ ६३ पैसा पुगेको छ। यस्तै प्रतिशेयर नेटवर्थ १२१ रुपैयाँ २९ पैसा र मूल्य आम्दानी अुनपात ८.७४ गुणा बढी छ।
यस अवधिमा बैंकको खराब कर्जा अनुपात २.४७ प्रतिशत पुगेको छ। गत आर्थिक वर्षको पहिलो त्रैमास सम्ममा ०.८२ प्रतिशत मात्रै खराब कर्जा रहेको थियो।
बैंकको पूँजी कोष अनुपात १३.९७ प्रतिशत, कोषको लागत ७.९९ प्रतिशत, आधारदर १०.४५ प्रतिशत र कर्जा निक्षेप अुनपात ७९.२१ प्रतिशत रहेको छ।
