सिद्धार्थ बैंकको चितवनमा दुईवटा नयाँ शाखा

Dec 02, 2019 05:43 PM Merolagani

सिद्धार्थ बैंक (SBL) ले चितवनको मंगलपुर र पदमपुरमा आफ्नो नयाँ शाखा सञ्चालनमा ल्याएको छ । बैंकले मंसिर १६ गतेदेखि ती दुई शाखा कार्यालय सञ्चालनमा ल्याएको हो।

बैंकले सर्वसाधारण तथा उद्यमीमाझ सबै प्रकारका निक्षेप तथा कर्जा कारोबार सुविधा, रकम भुक्तानी लगायत सम्पूर्ण बैंकिङ्ग सेवा पु¥याउने उद्देश्यले उक्त शाखा सञ्चालनमा ल्याएको हो ।

सिद्धार्थ बैंकले सञ्चालनमा ल्याएको उक्त शाखासहित बैंकको कुल शाखा सञ्जाल संख्या १७५ (४ एक्स्टेन्सन् काउन्टर सहित) पुगेको छ भने १०१ शाखारहित बैंकिङ्ग सेवा, १९२ एटिएम र १,६०० भन्दा बढी पिओएस मेसिनमार्फत वित्तीय सेवा प्रदान गर्दै आइरहेको छ।

बैंकले निक्षेप तथा कर्जा सुविधा, घरमै बसेर बैंक खाता खोल्न सकिने अनलाइन सुविधा, रेमिटेन्स सेवा, भिजा एटिएम कार्ड सेवाका मार्फत् उच्चस्तरिय बैकिङ्ग सेवा प्रदान गर्दै आएको छ ।

comments powered by Disqus

श्रम क्षेत्रमा कोरोनाको असरः ९ महिनामा विश्वभरको आम्दानी ३५ खर्ब डलर घट्यो

Sep 25, 2020 06:25 PM

कोरोना भाइरस महामारीका कारण यस वर्षको ९ महिनाको अवधिमा विश्वभरका श्रमिकहरुको आम्दानी उच्च रुपले घटेको छ । गत वर्षको जनवरीदेखि सेप्टेम्बरसम्मको अवधिको तुलनामा यस वर्षको सोही अवधिमा विश्वभरका श्रमिकहरुको आम्दानी अनुमानित १०.७ प्रतिशत वा ३५ खर्ब डलरले घटेको छ ।