सो सभाले गत आवको मुनाफाबाट हाल कायम चुक्ता पूँजीको २५ प्रतिशत बोनस शेयर, बोनस शेयर तथा नगद लाभांशमा लाग्ने कर सहित १५.५३ प्रतिशत नगद लाभांश वितरण गर्ने, प्रबन्धपत्रमा आवश्यक संशोधन गर्ने र सञ्चालक समितिका सदस्यहरुको मनोनयन अथवा नियुक्ति अनुमोदन गर्ने प्रस्तावहरु पारित गर्नेछ।
साधारण सभा तथा लाभांश वितरण प्रयोजनको लागि लघुवित्तले मंसिर ३० गतेदेखि पुस १३ गतेसम्म शेयर दाखिल खारेज गर्नेछ। मंसिर २९ गतेसम्म नेप्सेमा कारोबार भइ कायम शेयरधनीहरुले सो सभामा भाग लिन तथा लाभांश प्राप्त गर्न सक्नेछन्।
हाल एक अर्ब २० करोड रुपैयाँ चुक्ता पूँजी रहेको यस लघुवित्तको प्रस्तावित ३० प्रतिशत बोनस वितरण पश्चत एक अर्ब ५० करोड रुपैयाँ चुक्ता पूँजी पुग्नेछ।
लघुवित्तले आर्थिक वर्षको पहिलो त्रैमाससम्ममा २१ करोड ६३ लाख ५५ हजार रुपैयाँ खुद नाफा आर्जन गरेको थियो। सो अवधिसम्ममा लघुवित्तको प्रतिशेयर आम्दानी ७२ रुपैयाँ १२ पैसा, प्रतिशेयर नेटवर्थ २९२ रुपैयाँ र मूल्य आम्दानी अनुपात ११.१२ गुणा कायम भएको थियो।